婦女飲食影響嬰兒性別

荷蘭一項研究發現，婦女餐單會影響誕下的嬰兒性別。負責研究的大學用5年時間，跟進170多名生育過的歐洲婦女，她們全部誕下男嬰。 研究人員要求減少進食鈉及鉀質，例如少吃高鹽分的煙肉及沙樂美腸，或含豐富鉀質的香蕉，但要吸收多些鈣質及鎂，如乳酪、芝士、菠菜、豆腐、燕麥或全麥麥片、無花果及豆類。其中21名參與研究的婦女堅持到最後，當中16人最終誕下女嬰，成功率近八成。不過，準爸爸吃些甚麼，對嬰兒性別完全沒有影響。[AM 730]

哈, 如果係真又唔錯喎! 等我食多d豆腐同無花果先

我要積極一啲 - 針炙

上星期六, 剛好day 12 (即係around係我的ovulation), 去左睇中環的何醫師, 仲做埋針炙.

何醫師針炙用綿針, 一 d都唔痛, 又唔使針手指, 實在好! 但d 藥都好"熱", 每次飲的時候感覺係"咸到苦", 飲完亦會有5-10分鐘覺得喉嚨好痛! 但做人總要信, 所以都係要持之以恆一段時間.

雖然日子夾得好啱, 仲加埋針炙, 醫師叫我勤力d, 但撞正我出trip, day 14一朝早就要飛... 所以呢, 呢個cycle我都不予厚望.

咁都好, 冇期望就冇咁失望啦

我要積極一啲 - 薑水泡腳

話說星期六在bk forum見到有人轉載一位內地女醫師講受孕, 佢話女性好多時虛寒, 可以每晚用薑水泡腳, 咁不單可以驅寒, 仲可以好瞓d. 其實之前睇彭偉明醫師時, 佢都叫我咁做, 可惜個人懶, 又成日同自已講, 唔好諗太多, 否則好唔開心 但噚日去開買餸時見到舊薑, 心諗橫掂諗住蒸魚, 咁不如買舊大d, 順啲煲啲薑水試下.

不試由自可, 一試... 原來真係好好瞓! 我瞓到好似食左藥咁呀! 我一向睡眠質素都唔好, 一晚可以醒三至四次, 彭醫師話我腎虛 食咗半年中藥好左d, 減到每晚起一次身... 但真係未試過瞓到一覺好似俾人打暈左咁...

我希望我可以繼續持之以行, 唔好話幫唔幫到我驅寒, 凈係令我好瞓d, 我都賺左

我要積極一啲!

down了幾日, 我要reboot engine, 再來過!

停左兩個月中醫, 決定再來過. 今次book左在中上環的何醫師, 佢在bk forum的feedbacks 好好, 一於試下! 而家約咗8月28日.

另一個step係, 我決定唔可以坐係度等12月見Dr. Tay, 於是約左Dr. Chow九月底. 我之前有個朋友個case同我有些少似, 25-26day cycle, 試左一年都唔得... 後來佢搵Dr. Chow, Dr. Chow懷疑佢係cycle太短以致難成孕(即係黃體不足?), 叫佢塞藥試試, 果個cycle就中左! 生完個女之後10個月, 又有左第二個! 我朋友建議我盡快, 唔好等, 可能只係好少問題, 補充左黃體就搞掂... 我唔知我有冇佢咁good luck, 但覺得咁樣都好值得試! 而家約左9月29日.

做人, 總要信

心情有點down...

2009年, 是很差的一年.

2009年初, 我開始同老公討論, 是時候要計劃是否生小孩的問題. 但由於兩人的關係, 經常因為舖頭 (我們的一盤小生意) 的問題爭執而變得複雜. 我就是覺得, 要生bb, 就應該讓舖頭告一段落, 免得大家成日為呢d事傷感情. 但那邊廂的他覺得, 要做出一點成績方能罷休... 如是者, 爭持了好一段時間...最後, 我決定放手, 由佢自已決定. 然後著眼為自己籌謀和打算.

2009年中, 我決定買樓 (其實由2008年底一直睇樓睇咗半年有多都未買到)! 終於喺7月搵到個啱樓盤, 9月交吉. 誰知, 剛開始裝修, 還在租住的單位就遭人爆格. 所有貴重物件, 一夜之間冇晒, 包括幾乎所有我的嫁籹 (因為家附近銀行的保管箱爆滿, 所以都放了在屋企的櫃通入便...) 雖然錢財是身外物, 但心情實在跌至低點, 尤其想到那些都是家人好友的祝福...

在毫無安全感的情況下, 我十天之內搵左間短租屋, 仲要搬埋去, 住左兩個月, 因為新屋要裝修到12月... 到12月, 裝修師傅當然例牌遲交貨... 但短租租期滿左, 又唔想錢租多個月, 結果在凈係得兩間房同廁所ready的情況下, 就搬左入去... 日日都沙塵滾滾. 到12月中, 間屋先至似番間屋.

在發生上述事情的同時, 同老公就生bb的issue, 終於在8月時半推半就咁得到初步共識. 9月開始唔再避孕, 但結果一連串事情就係咁發生. 坦白講, 果幾個月, 話就話有試, 但係實在冇乜心情.

2010年, 好似冇咁差, 但原來也唔好得去邊. 至少, 今年頭半年都唔順利.

2010年1月, 最好消息係, 舖頭有人買盤. 雖然, 轉手一事到而家仲有手尾跟, 但我不知幾開心. 終於可以"消滅"呢個嗌交的主因! 由今年1月開始, 我一心諗住認真試, 但一時出trip, 一時老公唔合作... 搞搞下, 8個cycle就咁過去了... 當然, 期間還遇到工作上少有的阻滯, 又係令我down到死... 不過, 我要move on, 唔可以成日俾d 唔開心事"kick"住!

一口氣呻左一大堆, 希望未浸死你地. 如果仲有耐性睇到呢句朋友, 我喺度講聲: 多謝

呻完了, 重新出發. Afterall, tomorrow is another day!

開估!

多謝咁多位的祝福... 可惜, 小妹的肚皮仲未可以爭氣... 今朝一早, m小姐就嚟探我.

我以為我會好平靜, 但可能今次的期望好大... 期望愈大, 失望愈大. 今朝爆左出來, 喊到一塌糊塗, 卒之請左半日假.

我上班途中 (請半日假啫, 仲要做 ), 不停同自己講, 我情況其實冇咩大不了, 36歲人, 想有bb的確唔係話咁易. 自己知自己事, 要好好控制自己情緒. 加上激動對件事係無補於事, 愈緊張愈難有... 但真係知易行難.

但放心, 我會繼續撐下去. 雖然今朝我再催老公叫佢去驗丁丁時, 佢依然都係同我講"盡力啦"... 我只能夠同自己講, 我明白佢有困難, 而好明顯, 佢仲未能易地而處咁理解我的困難同壓力... 我要好好咁繼續為呢件事禱告. 更重要係, 我要把握呢段時間, 求神讓我地兩個都能夠更好咁預備自己做將來孩子的父母.

古怪事情... 發生咗!

呢個 cycle 好古怪. 我 day 12 排卵的, 果朝就開始覺得胸痛, 係胸痛, 唔係nipple痛. 心諗, 可能係排卵影響hormone? 點知, 如事者痛到今日 (day 22) 仲痛緊.

呢樣都未自古怪. 噚晚放工撘巴士去銅鑼灣, 落巴士時"撼"親個額頭, 個頭唔係好痛, 但係竟然係下腹痛. 係一下好明顯抽痛. 我落咗車之後, 定一定神, 諗起噚日係排卵後第9日, 就好擔心, 唔通我今個cycle真係中咗? 但頭先咁痛法, 會唔會又已經係冇咗? 果下抽痛維持咗好短時間, 但係過得幾分鐘, 又隱隱作痛. 我已經行得好慢... 但愈諗個心愈驚... 終於搵個地方坐低咗, 等我老公放工嚟接我...

返到屋企, 用喺泰國啲spa house買番嚟熱敷包包敷咗一陣, 痛感覺至消失晒. 但全程冇見過紅, 只係有些少分泌...

到底搞乜呀?

頭先忍唔住將單笑料話咗俾個做護士的朋友聽, 佢都笑爆, 跟住話: 就算真係bingo咗, 因為你咁"撼"親個額頭 而作小x 機會超級微...

算啦, 我都係當笑料一單算. 可能下星期二, m小時就準時出現