故事是教養的魔法棒

多謝欲子媽媽的介紹, 我認識到呢一套好書。

雖然小龍仲好細, 但佢的性格硬頸又唔聽話, 已經有迹可尋, 相信將來教仔並不容易... 唉...
呢套書好好, 有成80個故仔, 幫你喺遇到不同事情時, 可以嘗試透過講故事來同小朋友講道理.

小朋友難教, 講道理的話不夠一分鐘就魂遊太虛, 說故事嘛, 至少可以把attention span 拉長一點, 更可以讓他透過回應故事來講出自己心裡的感受.

人從來就不大懂分享自己的感受, 做父母的更要學習如果引導小朋友傾心吐意...



作者Susan Perrow本身是教師, 深知教育小孩的困難, 善長以說故事方式來教育, 有「故事醫生」的稱號。

《故事是教養的魔法棒》一書內共有80個不同故事, 按行為類型來分類, 例如不誠實、懶惰、捉弄他人、霸凌等，還包括收拾整理等日常生活情況，搬家的經歷，以及分離焦慮、恐懼和噩夢、疾病和親人去世等問題和困境。

如果書中沒有你需要的故事，書上還教導編故事的基本原則，以及如何說故事的技巧。

呢套書香港有的, 但成日冇貨, 好多時要訂要等。我而家直接從台灣訂過來, 之後寄到你公司/屋企。台灣訂書網上下冊一套是NT$453, 再加約N$200, 共NT$653, 兌HK$169 (另加$20工商速遞). 有興趣訂的請留言啊~

謝謝~

新搞作

各位, 我有新搞作, 就係一間網上商店。
緣起是因為我太愛shopping, 而小龍的出現完全不遺餘力的實踐了我的購買力, 也發揮我努力research格價的師奶精神。
也拜我有些少psychology background所賜, 我為小龍揀玩具, 都是從developmental psychology的角度去揀... 原來當你懂得揀, 玩具往往可以不單純是一件玩, 而是教育的工具, 幫助小寶寶發展...
左挑右選, 比較品質、價錢後, 結果我接觸到不同products的distributors, 他們也樂意與我這用家溝通, 因為我某程度上反映了用家的需要。

就係咁... 不如搞間網店, 省回燈油火蠟舖種伙計人工, 用比巿場優惠好多(真係優惠好多)的價錢去將對小朋友有益的玩具, 直接帶到家長手中。

得閒去睇睇, 幫手like下, 或者有嘢會啱你呢~
係blogger的記住同我相認, 會有discount啊~

www.facebook.com/mylittletabbywww.mylittletabby.com

我已繳請了一位臨床心理學家加盟, 稍後她會逐步在網頁中分享幼兒/兒童在不同階段的發展需要, 有何工具可以幫助他們發展。買玩具是一個選擇, 有時間自已動手做教具也是一件樂事. 希望我們的專頁和遲些出現的新BLOG會為成一個育兒資訊平台, 讓各位交流, 也從那裡知多一點點...

旅行大作戰- 收穫篇

很多人會說, BB咁細, 去旅行佢都唔記得, 唔值得花錢...


但我想說, 和BB去旅行雖然起辛苦, 但所得到的記憶, 是無其他東西可取代的.


小龍不少的第一次都在旅行途中出現, 包括我期待已久的sleep through the night... 這絕對是意外收穫!



在酒店期間, 雖然有他的BB床, 但因為張大床真係好大, 放埋佢上大床瞓, 朝朝見佢瞓到打風咁, 一時腳擱在爸爸心口, 一時一手伸過來插到我隻眼... 但佢真係瞓得好冧好舒服... 我和C6看在眼裡, 大家都望著小龍微笑... 那個熟睡的樣, 可愛得不得了...


小龍第一次坐飛機, 坐Golf cart, 坐Tuc tuc, 在浴缸和爸爸一起沖涼, 去泳池玩水... 全部都是第一次, 也是不需姐姐轉告"佢今日識得XXX...."的第一次... 或者, working parents錯失得太多第一次, 旅行這五天四夜讓我們更加珍惜...


還有一個回憶... 雖然小龍唔會記得, 我和C6卻永遠記得... 去到布吉的第一晚, 一家人去了一家泰菜館吃團年飯... 看著一碟XX炒蝦仁, 沒什麼辣椒, 用熱水洗了就給小龍吃... 第一口很正常, 誰知吃第二口就開始爆喊, 滿臉通紅... 與此同時有家人在怪叫, "好辣呀~"... 說是原來就是那碟蝦... 小龍自己伸手要攞水飲... 飲極都唔肯放手... 一喝喝了半杯... 我看著, 覺得小龍好慘, 但我忍唔住不停大笑...



都說我是怪獸媽媽... 小龍應該好快開始可以食辣了...

最衰掛住善後, 冇影相或video... 嘥晒!

旅行大作戰

在剛過去的農曆年，P牌媽媽給了自己一個大挑戰 -- 帶八個多月大的小龍去旅行!



6-12個月大的BB去旅行最麻煩。0-6個月的BB去旅行只吃奶，人奶B最方便，走到那裡吃到那裡。奶粉BB也不困難，帶罐奶粉加幾個奶樽上機便可，不少酒店都可以提供BB床、烚奶煲等的。12個月以上，基本上大人吃什麼，他也吃什麼，早晚加餐奶，也不太複雜。但6-12個月的，既要吃奶，又要吃粥... 為準備這個trip，我買了以下一堆東西：

1. 旅行用食物蒸煮, 攪拌, 兼備烚奶樽功能的三合一食物處理器
2. 旅行用煮食煲
3. 和光堂的pre-pack baby food (有粥仔, 通粉, 烏冬等) --> 好重要! 尤其當飛機delay時, 佢真係需要有嘢俾佢食. 呢啲pre-pack食物仲可以交俾空姐加熱, 好方便)
4. BB飲品
5. my little seat --> [必備! 因為好多地方就算有high chair都係冇安全帶的! 帶咗my little seat就去邊都可以俾BB坐埋枱, 同大人一齊食飯傾偈 :)



因為去熱帶地方，每天主要活動都是躲在resort裡玩水，所以一早買定了：

6. 游水尿片
7. 泳褲
8. BB防曬
9. BB蚊怕水
10. BB after bite
11. BB水泡/浮床仔 (加泵!)
12. 各式沖涼玩具
13. 防UV太陽帽



為免旅行期間BB生病, 又要帶定以下的東西：

14. 體溫探測器
15. 退燒藥
16. 退熱貼
17. 洗鼻水

BB食具都有一大堆：

18. 碗仔 (2-3 sets)
19. 餐具 (2-3 sets)
20. 學習杯

BB日常用品，包括：

21. 沖涼洗頭梘液
22. BB洗衣液
23. BB洗奶樽液
24. 熱水瓶/保溫瓶
25. 毛巾 x2
26. BB衫 (大量, 每日至少兩套再加一套睡衣)
27. 尿片 (差點想成袋拎去，最後決定每日帶6條，夠用有餘)
28. 濕紙巾
29. 尿疹膏
30. 凡士林
31. 小剪刀
32. 吸鼻器
33. 揹帶
34. car seat (我好唔放心喺旅遊區啲司機開車的...)
35. BB車 (好彩有架士的車, 輕好多!)
36. 口水巾 (大量)
37, 食飯巾 (大量)
38. 紗巾 (大量)

凈係睇呢個LIST都想暈! 呢個LIST唔係我之前寫落，係去完返嚟覺得實在有用而必須帶的LIST, 真係每樣都唔少得! 我地一行三人帶咗一個中喼一個細喼, 兩夫婦加埋一個細喼搞掂晒, 成個中喼都係小龍的東西, 仲要另外拎住：

一袋玩具

• 一個奶粉袋
• 一個carseat
• 一架士的車

雖然大部分時間出入都係用揹帶揹住, 但係士的車又唔可以冇, 尤其喺機場... 凈係travel 去閘口都分分鐘行你半粒鐘, 冇架車仔會死。而車仔的好處係可以check in 後推到去閘口至交俾crew 拎去寄倉, 都唔麻煩。



五日四夜行程, 小龍玩得好開心, 只係迫住夜瞓咗。不過佢超爛玩，出街心野連食都冇心機，成日想玩，玩到最後一滴電都冇就扭眼瞓，一抱唔使一分鐘就瞓著!

抵讚的是, 小龍兩程飛機都冇扭計大喊, 凈係回程時眼瞓叫咗幾聲! 乖豬!

沒有最差，只有更差

沒有最差，只有更差... 我說的是小龍因為出牙仔導致的瞓覺問題。

小龍由六個半月開始出牙仔，到七個月半睡眠的問題稍稍改善了，以為佢習慣咗...原來係暴風雨前夕的快樂聖誕！今個星期開始，小龍瞓得好差，每晚總有最少兩個鐘是點瞓都唔冧，瞓瞓下喊(唔猛大眼的)要抱至收聲，但抱到以為瞓冧咗想放低喺床，一放就醒，或者放低後5-10分鐘就又喊過...如是者抱足兩粒鐘至有機會等佢再瞓到下一覺有大約兩個鐘...噚晚更差，十一至二全程係咁樣，二至四至稍為好啲，半小時至45分鐘至喊一次("至"喊一次?我已經變態地想講多謝，終於可以恰下）...

試過俾肥仔水，但佢會"lur"番大半出嚟...中醫叫我俾珍珠末佢食下睇下好唔好啲。好啦，今晚試下啦

小龍的第一個快樂聖誕

小龍和P牌媽媽過了一個快樂聖誕!

平日小龍一星期五日都喺屋企, 日頭凈係對住姐姐, 周末至有得去街街。難得假期又係聖誕，一於玩盡啲消耗下呢個爛玩BB的精力！
Parties由23/12開始，先來一個bb party, 不過小龍狀態欠佳，成日都眼瞓，凈係玩咗一陣就冇電！

24/12媽媽放工後又帶小龍去朋友屋企開Party, 今次小龍係最細的一個BB, 其他的都大至少一年以上。小龍坐喺Thomas the train的火車軌道圈內，化身哥斯拉摧毀每架路經的火車！！激死其他小朋友，小龍自己就喺度傻笑

25/12姐姐放假，小龍爸又開始冇電，下晝我第一次自己孭住小龍去咗Mega Box買禮物，跟住去咗對面個草地坐。係小龍第一次坐草地，又唔驚喎！但對眼就四圍望公園入便的其他小朋友喺度玩。呢個仔都係爛玩豬一隻！

坐完草地返屋企瞓咗陣，就同親友落會所食飯。親友的細女好鍾意同小龍玩，小龍好開心！

P牌媽媽又點會放過最後一日假期? 26/12我地又帶住小龍去探一個朋友，7個月大的小龍同朋友的14個月BB玩咗幾個鐘, 兩個都唔肯瞓覺! 終於捱到五點半, 小龍首次不支倒地, 朋友的BB爭扎多半個鐘都瞓埋. 大人們至有機會傾下偈. 其實朋友的BB傷風緊, 個鼻哥仔掛住兩行鼻涕, P牌媽媽同小龍爸知道竟然話繼續去! 好彩小龍冇病到! 叻豬！

highchair 之又愛又恨

小龍未出世就幫佢買咗張靚靚aprica high chair, 又可以當day bed, 大啲又可以用嚟食嘢. 誰知阿小龍唔LIKE!
除咗頭一個月未識爭扎時肯瞓之外, 之後一直都係極之勉強, 到有能力扎脫時第一時間逃走!

為免讓不受歡迎的high chair繼續霸佔地方, 上個月狠下心腸賣咗佢!
但小龍始終要開始食嘢, 又要籌謀買過張! 今次決定帶小龍去揀. 試坐過五六個牌子後, 小龍同阿媽一樣, 好識揀好識使錢

坐喺自己揀的龍椅, 個樣得戚得佢!

Stokke的highchair係貴, 但真係好好坐, 仲可以grow old with him, 坐到大個仔!

不過香港買好唔抵。喺美國原裝的tripp trapp係連埋安全帶，香港的代理就張安全帶分開賣。我後嚟上amazon買，全set買晒連埋shipping都仲平過喺香港買成千蚊！

btw, fisher price呢隻馬騮仔幾好玩，既可以掛喺stroller/car seat，仲有牙膠，小龍對之愛不釋手