小龍由六個半月開始出牙仔，到七個月半睡眠的問題稍稍改善了，以為佢習慣咗...原來係暴風雨前夕的快樂聖誕！今個星期開始，小龍瞓得好差，每晚總有最少兩個鐘是點瞓都唔冧，瞓瞓下喊(唔猛大眼的)要抱至收聲，但抱到以為瞓冧咗想放低喺床，一放就醒，或者放低後5-10分鐘就又喊過...如是者抱足兩粒鐘至有機會等佢再瞓到下一覺有大約兩個鐘...噚晚更差，十一至二全程係咁樣，二至四至稍為好啲，半小時至45分鐘至喊一次("至"喊一次?我已經變態地想講多謝，終於可以恰下）...
試過俾肥仔水，但佢會"lur"番大半出嚟...中醫叫我俾珍珠末佢食下睇下好唔好啲。好啦，今晚試下啦
