已經係第四個cycle, 探熱針預告我又失敗了... 不, 正確點說, 是我們又失敗了.
今年一月起, 望住 i-phone入便的period tracker, 記錄底每次period
starts and ends dates, 睇埋分泌了解排卵情況開工... 但第一個cycle, 仲未搞得清楚自己係26-day定28-day cycle,
懞懞下; 第二個cycle, 排卵期撞正出trip... ok, 諗住仲有兩個cycles可以努力, 爭取生個虎bb... 結果, 都係failed...
其實自去年9月, 我開始食folic acid同埋睇中醫. 彭醫師已經話我身體好差... 35歲人,
但身體機能用多左至少10年... 10年, 呢個警告好得人驚... 但佢話, 俾半年時間佢, 可以執番好. 我其實自己都知身體差, 都怪以前太搏,
做起野來唔睇時間, 可以日做夜做, 有時仲放工半夜三更返到屋企仲做 freelance. 後生時, 又點會諗, 日後會自食其果? 彭醫師話估我農曆年前後會ok,
咁我就信啦... 個個星期都去睇, 身體的確有改善, 但到今年一月, 佢仲係話我的身體距離"好"仲差好遠... 我個心當堂灰左...
不過我有打不死精神. 你話我身體未夠好嘛, 咁我再努力d! 我又走番去搵當年(2000年)調理得我由"子宮虛" back to
perfect 28-day cycle 的老醫師, 又食藥又針炙加艾炙! 不過老醫師早幾年中過風, 而家應診時間短左好多, 我放得工時佢都已經走左,
惟有星期六至去... 但原來今年好多公眾假期都係連埋星期六, 真係好事多磨. 由一月至今, 我只係去到三次針炙.
好啦, 都話打不死, 咁睇中醫調理之外, 自己咪又努力d, 做運動囉! 趁住復活節, 我做左三日運動.
希望有恆心繼續努力.
朋友叫我買枝婦女用探熱針. 本來我唔想買, 因為自知本身是個壓力煲, 再加埋每朝探燒, 睇怕我會癲. 但諗深一層,
都想知道自己到底係咪有排卵呢, 黃體又夠唔夠呢? 彭醫師一早話我係低溫人, 台灣 d 醫生話, 低溫人難 d 受孕... 終於掟起心肝買左枝探熱針,
4月起朝朝check住... 就係咁, 今朝佢預告左, m小姐睇怕聽日又會準時到訪.
(呢枝唔係我買果枝, 我買的是日本製的; 呢枝係韓國製的, 但係網上凈係搵到呢張相,
要住做reference先)
坦白講, 今朝心情有點down. 不過終於說服我老公去驗丁丁, 我都諗住排定期搵個好醫生做個詳細check up.
我諗我未必會考慮做不孕的treatment, 但至少要清楚掌握自己身體狀況, 再諗諗跟住應該點做.
不過, 我係打不死, down完又努力過!
