平日小龍一星期五日都喺屋企, 日頭凈係對住姐姐, 周末至有得去街街。難得假期又係聖誕，一於玩盡啲消耗下呢個爛玩BB的精力！
Parties由23/12開始，先來一個bb party, 不過小龍狀態欠佳，成日都眼瞓，凈係玩咗一陣就冇電！
24/12媽媽放工後又帶小龍去朋友屋企開Party, 今次小龍係最細的一個BB, 其他的都大至少一年以上。小龍坐喺Thomas the train的火車軌道圈內，化身哥斯拉摧毀每架路經的火車！！激死其他小朋友，小龍自己就喺度傻笑
25/12姐姐放假，小龍爸又開始冇電，下晝我第一次自己孭住小龍去咗Mega Box買禮物，跟住去咗對面個草地坐。係小龍第一次坐草地，又唔驚喎！但對眼就四圍望公園入便的其他小朋友喺度玩。呢個仔都係爛玩豬一隻！
坐完草地返屋企瞓咗陣，就同親友落會所食飯。親友的細女好鍾意同小龍玩，小龍好開心！
P牌媽媽又點會放過最後一日假期? 26/12我地又帶住小龍去探一個朋友，7個月大的小龍同朋友的14個月BB玩咗幾個鐘, 兩個都唔肯瞓覺! 終於捱到五點半, 小龍首次不支倒地, 朋友的BB爭扎多半個鐘都瞓埋. 大人們至有機會傾下偈. 其實朋友的BB傷風緊, 個鼻哥仔掛住兩行鼻涕, P牌媽媽同小龍爸知道竟然話繼續去! 好彩小龍冇病到! 叻豬！
1 comment:
Why Baccarat is the No. 1 sport in the USA
Baccarat is not your usual game. It's a way to play casino games 1xbet korean and get the most out of 바카라사이트 your bet. It's the game of choice for 인카지노 people of all skill levels.
Post a Comment