殘酷對待父母

小龍呢個月開始, 成日瞓到半夜會爬上我床到, 要同我瞓. 又要瞓手臂, 又要攬實... 實在係個癡纏的小人啊~
呢兩晚佢瞓得麻麻地, 噚晚更加發生「殘酷對待父母」事件

話說小龍又如常瞓到零晨四、五點左右爬上我床, 又如常瞓在我手臂, 但瞓得唔係好冧, 轉嚟轉去, 一時扒轉一時彈開... 但去到五點半, 佢一直俯臥, 面仔枕住喺我手臂, 但雙手不停往我手臂底下插! 如是者插咗十幾廿下, 頂唔順我幾乎要嗌痛... 忽然佢反個身, 冇再攻擊我... 原來他轉向爸爸進攻, 一路瞓一路用手指"督"爸爸個咀, 爸爸想逃走, 我叫佢唔好郁, 因為實在唔想整醒小龍, 醒咗又搵我嚟搞... 誰不知, 轉個頭佢又調轉槍頭, 又嚟插我... 天呀, 你搞乜呀? 終於左碌右插, 瞓到6:15am就醒咗, 仲要一醒就喺度嗌...

我心諗, 我都未嗌, 你嗌?

佢醒咗就佢去廳交俾姐姐照顧, 我返入房瞓我的回魂覺~ 通常佢食完枝奶去完wee wee又會瞓番. 到我起身準備上班時, 佢已經醒咗. 我話: 「邊個咁變態成晚喺度虐待媽咪?」個小人陰陰咀咁喺度笑...

唉, 呢啲日子, 幾時至會過呢?