十常八九

常言道: 人生不如意事十常八九. 我本身都睇得好化, 但如果令你事事不如意的, 是你的老公, 又該當如何?

從來我都知我老公算不上一個好老公, 沒有窩心的言語, 亦從來不會作出任何體貼的安排. 在他而言, 朝早叫你起身返工, 已經係皇恩浩蕩... 但近日佢在自己生意上的一連串事件, 連令我覺得, 眼前呢個人很不可愛... 我還是希望有天可以當個媽媽, 但若連夫妻間尚有問題, 我想, 還是先擱下一段時間, 會好一點.

所以, 呢個blog要暫停經營一段時間. 但我會繼續留意各位blog友的情況, 祝你們都早孕.

1st consultation at 偉澤

有朋友以為我已經決定做treatment，所以去偉澤。其實我只係想，橫豎老公都要做sperm test，不如一次過consult埋2nd opinion，睇下佢地嘅advice係點。

驚死要等好耐，今朝約咗0800，真係返工都冇咁早。

周嘉係肧胎專家，佢聽完我個case之後advice，都係老公先做sperm test，因為咁至知到底係咩問題。佢話，今時今日，好多老公都係sperm有問題，因為對住部電腦的時間太長，又唔郁，仲成日著牛仔褲，呢啲都對sperm唔好，因為sperm對溫度好敏感，熱啲凍啲都唔得。我問佢，咁浸溫泉呢？問案係：梗係唔好啦，sauna都唔好！因為但凡溫度高過氣溫的水溫，都會殺精！OMG! 以後浸溫泉唔使預老公

做sperm test之前的二至六日要禁慾，但唔可以多過七日，否則好多都係dead sperm，咁影響result。呢度有個好處，攞到sperm之後，一個半小時內送到就ok！至少唔使喺廁所度搞，老公安樂晒

周嘉話，要視乎sperm test的result，如果ok，至考慮做iui，但iui的chance同natural conception一樣，係15%。但如果老公的丁丁唔靚，咁做iui都冇用，要做ivf，chance會有40-45%。所以，一切從sperm test開始！祝我好運！

很忙的五月... 延續到六月

五月, 忙得不可開交.

五月初一個大會, 及為預備大會而開的多個小會.

五月中another大會, 凈係做paper同powerpoint做到我天昏地暗.

五月尾一個喺內地開的大會, 接連前前後後一堆的site visits.

整個五月, 凈係記得災區重建.

本來, 這個月初我有個感覺, 這個月會成功了. 但我努力叫自己, 唔好諗, 唔好諗, 一諗就唔得...

唔諗唔諗, 但忙到嘔電時, 心裡著實擔心. 尤其在前往災區的路上. 這段路近日受鄰近地區的地震(都不算很嚴重, 大概四至五級)影響, 飛石本已很嚴重; 想不到, 擇日都冇咁應, 就正正在我地前往該區的當日, 又再地震. 但坦白說, 可能因為路本身已經太顛簸, 根本留意不到有甚麼異樣. 我坐在前座乘客位, 用手緊緊的拉著安全帶, 一來是因為在車裡太顛, 人也東歪西倒; 二來是怕安全帶太緊, 勒住了肚皮. 就這樣, 勞累了一整天, 終於平安無事返回巿區.

回港後第二個晚上, 看著超級巨聲2時, 小腹一陣抽痛. 痛了一分鐘左右, 也就停了.

翌日早晨, M小姐就到了. 奇怪的是, 量比平日多了三分一. 我在想...

還是不要想... 我要相信, 上帝早已預備!



六月似乎還是會很忙. 忙著去玩!

星期六和由美國回港的好友去看chicago! 聽說今次是澳洲cast, 效果出乎意料的好!

下星期二去看超級巨聲演唱會. 不要問我點解, 我就是鍾意超級巨聲~

下星期四, 約左偉澤 0800 做 first free consultation, 老公順道做 sperm test.

噚日打去偉澤, 我同姑娘講, 想做呢啲呢啲同呢啲test... 姑娘問完我info之後話, "你都唔係真係算好高齡, 都係心急啫...你見見周醫生 (肧胎專家)先, 醫生都未必 recommend 你做 blood test 的, 但先生就應該係時候做sperm test".

聽說去親睇 fertility treatment 的 clinic 都要預咗有排等, 睇怕都係攞定假先