我必須講, 今個月真係好邪!
試左半年都未用過排卵棒, 因為自覺每月M小姐都準時到不得了, 分泌亦好似好明顯。但唔check由自可,
一check就發現不得了。
我係26-day cycle的, 一直以來依賴 i-phone 的
period tracker programme 來 mark 住每月M小姐的come and go, 亦靠佢 advise 我邊日係egg day。正常來講,
下次 period 前的 14 日就係egg day, 我一直都不虞有詐。但原來, 事實並唔係咁樣。
話說day 9買定一盒五枝裝的clearblue ovulation
test, 一心以為由day 10 開始, 用兩枝就會見到線, 跟住就安心。點知, 用到第三枝, 即係已經day 12, 都仲未有線! 搞乜?
唔通我呢個月stressful 得滯 (呢個月工作超忙, stress 到爆), 連ovalution 都提前在day 10 之前出現左? 咁咪miss 左囉?
大鑊!
終於在九萬幾個問號的情況下, 用埋紅d (平啲嘛), 喺day 12
下午再check多次, 終於見到80% 線! 今朝(day 13)再check, 先check 紅d, 見到 70% 線, 再用clearblue,
終於confirm 真係有線。原來clearblue 真係好definite, 只要你 LH 升高, 佢一吸 urine 就幾乎即刻見到條線, 唔使你估估下,
到底係50%定70%定90% (哈, 紅d會唔會出現100%的呢?)。
照咁計, 我今個月最快都係day 13 or 14 ovulate。問題又再出現嘞,
咁到底係我今個cycle變左28-day, 定係其實我從來都唔係"下次period 前的14 day ovulate 的呢? 如果係後者,
咁咪即係我之前半年都係白做?
主觀願望希望係前者, 因為唔想prababiliy又重頭計過
(以natural conception rate 15%計的話, 即係一對一切正常的couple, 應該連續試 7 個cycles, 應該點都中一次的) 
忽然間有d 醒覺, 原來自己日日上網搵咁多資料, 其實未必有用,
因為每個人都係獨特的個體, 人地係咁, 但我未必係咁。之前好怕要check呢樣check果樣, 怕好大壓力, 反而搞唔掂。但原來,
check左至知自己的真實情況, 但之後的battle就係要如時交功課同埋保持平常心。後者最難。
各位努力緊的sisters, 加油!
