呢個月忙到，都唔得閒寫低一言片語俾自己。
上個月中，放假去左紐西蘭旅行，仲要撞正排卵期，主觀願望以為自己會咁好彩，在渡假期間bingo...
可惜，世事真係冇咁理想。
30/4，捉埋老公去睇平日睇開的婦科醫生，一心想問清楚，試左 5 個cycle都未得，係咪要再做 d 嘢? 使唔使做下乜
test 物 test ? 醫生有些少surprise，亦有少少"冇你咁好氣"，就講晒可以做的 a, b, c, d, e...
但問多兩問，佢話：其實你好地地，又唔係真係試左好耐，不如放鬆 d, 再試下先啦! 佢話我呢幾年的生理狀況一直都好正常, m期又準, 子宮內膜厚度又正常,
唔好諗太多野反而會relax d... 不過, 老公 5 年冇驗過丁丁, 都係時候驗下囉! 之不過, 呢個係男人的死穴 
我諗我老公唔到絕望果日都未必肯去驗 
我諗我老公唔到絕望果日都未必肯去驗
過去三次照超聲波(一般婦檢時照的), 由未 m 到 m 完都照過, 醫生話試過0.7mm, 1mm 同1.2mm,
屬於正常範圍, 叫我唔使擔心 。其實子宮內膜幾厚至叫ok呢? 有冇人可以指教下?
醫生建議我, 暫時都係唔好去睇輸卵管, 因為佢覺得我個case唔似有問題。仲有, 原來問落至知,
照輸卵管果個cycle要停工... 坦白講, 免得過我唔想停。咁醫生就話, 不如驗埋排卵試下work 唔work。都係, 雖然每個月m期都好準,
但可能我唔係一般人咁m前14日排卵呢, 咁開工日子咪錯晒囉! 於是噚晚放工買埋排卵棒返屋企, 聽日day 10就開始驗。之前都幫襯過人買過紅綠 d,
但對大陸野都係冇信心, 噚日終於揀左clearblue, 成$266五枝, 好貴! 唯有望自己唔使用好多round!
為等有bb, 食野食好左, 消耗就相對少左好多, 個人又肥左幾磅。再係咁落去真係唔掂, 呢個cycle決定一面減肥一面等b!
由上星期五開始, 周一至周五的晚餐改為食代餐, 呢個星期仲加埋飲排水湯! 又幾好喎, 真係覺得 d褲鬆番! 希望日子有功,
weekend再加埋去游水消耗下就perfect!
No comments:
Post a Comment