新cycle, 新開始

新cycle又開始。在呢個cycle開始前，找了個機會同老公坐下好好的談了一遍。

 

不知道係咪男人都鍾意逃避現實，至少我果個係。

早喺四個月前，帶埋佢去見睇開的婦科醫生，就係想佢有啲concept，具體的知道一下已經不再18/22的我們，要生仔是什麼一回事。當然，聽完當無件事，凈係記得醫生話要relax，唔好太大壓力。跟住一味跟我說，不可以有壓力呀，所以不應該計日子呀...但醫生叫佢驗丁丁，就當聽唔到。

到兩個月前，去到偉澤，周醫生聽完我個case，話我應該冇乜大問題，又係叫佢去驗丁丁。連樽都拎埋返屋企，結果，兩個月過去，死都唔肯驗。

其實，我從來唔明點解佢一路咁嘅態度。話佢唔想生咩，佢又唔係。只係，你要佢按時按候跟日子開工，佢就一百萬個不願意。呢啲唔係任性，係咩呢？我諗起十幾歲時的反叛，往往都是毫無道理，總之家人叫你去東，我就要去西。

呢個cycle，我將整個生理cycle當教書咁講咗一遍。希望佢可以生生性性。仲希望，佢可以乖乖的驗丁丁。等佢驗完，我想試吓約周敏姬睇睇。

題外話：

最近我的best friend用命搏了一個女兒。不是誇張的，真係搵命搏。入院開刀時，醫院出動了五位醫生，八位護士，仲要預留定ICU床位等佢做完手術即刻駁番晒所有機密切留意佢嘅情況。touchwood，佢大步「𨈇」過了。今早跟她通電話，除了替她平安感到開心之外，也還祝願她那個不生性的老公，可以在經歴今次的‘大災難’後，生性一點，對她好一點。

祝各位待孕／待產姊妹都幸福。