1st IUI cycle - day 27 打定輸數

今日中午去左化驗所驗血. 下午姑娘打嚟, 話醫生叫我聽日再驗一次. 聽到的時候我以為係有機啦, 點知問番今日驗HCG的結果只係得4.

一般情況下如果成功受精著床, 3-4星期懷孕的HCG至少會有5, 而且會每日以倍數上升... 我得4, 睇落都係失敗多... 咁點解仲要我驗多次呢

唯有安慰自己, 可能可以開開心心咁去滑雪

 後記:

多謝各位的安慰 結果出來都是negative. 不過唔緊要, 我休息一個月會再接再厲, 明天先去日本玩七天

1st IUI cycle - day 21 問你死未！

今晚要打最後一支安胎針。十點半，沖完涼，準備打針。有人左搞右搞，都未抽得啱藥水，叫佢畀我搞又唔放手。結果...枝針彎咗

而家打唔到針，又夜麻麻，我都唔知點好！叫佢去附近私家醫院買，去到醫院又話Dr Tay唔喺呢度掛單，唔賣得。咁點算好呀？而家唯有去養和踫踫運氣

後記：

養和都係唔賣，我終於決定用另一枝打gonal-F時用凈的針筒憑信心照打。因為護娘話最後呢枝係打晒所有藥水，咁我就有咁多抽咁多啦。祈求天父保守

1st IUI cycle - day 13 放丁丁

今朝一早放丁丁了！起初擔心老公要交貨會有壓力，點知佢今次話咁快就搞掂！放丁丁過程好順利，Dr Tay手勢好好，一啲都唔會唔舒服。睇Dr Tay的朋友可以好放心

今日仲有一個令我好開心的消息，就係老公嘅丁丁大躍進！motility由十月的15%翻一翻，變成30%。雖然morphology仍然維持係4%，但正如之前講，根據世衛的最新標準，4%已經係合格（當然，Dr Tay 同岑醫師都話，8%左右至真係叫OK)! 洗完之後，型態有5%。

雖然都唔係好標青的一張成績表，但至少可以肯定過去三個月的食療有啲用！

1st IUI cycle - day 11 & 12

噚日day 11, 返左去Dr Tay度再照. 大旦已經有17.xxmm, 細旦都有13.xxmm. 大旦一定ok, 細旦就要睇佢呢兩日生唔生性, 長得快可能有兩粒

我問Dr Tay, 我係咪對啲針藥反應麻麻呢? 我問我點解咁問. 我話, 咁平時唔打針都有一粒大旦, 而家打左針都未谷得成第二粒旦喎...

佢話: 你梗係睇得人地的case多, 見到人地有3-4粒, 所以咁諗!

(我心諗, 都係架, 好似蝕底左咁嘛)

佢話: 數據反映多旦同少旦的success rate冇乜分別, 既然係咁, 做乜打咁多藥? 始終都係藥嘛! 如果我要谷咁多旦, 咁就做IVF啦!

他又解釋, 好多人以為IUI同IVF差不多, 只係打針的份量唔同. 佢話其實IUI同IVF係完全兩件事, 做法好唔同.

day 11晚打埋最後一針gonal F. 呢個cycle一共打左9針.

day 12一早就打破卵針. Dr Tay講明呢針好痛, 叫我㩒左針槍之後, 要做20下至可以放(平時數10下). 佢話, 你要死頂呀, 唔好見痛就抽番出來呀... 佢仲要做埋動作喺度扮, 真係笑c我!

我睇下姑娘畀我藥水, 份量同平時五日course打的份量差不多, 甚至多些. 今朝打時候, 幾乎填滿晒成個針筒, 有成800咁多呀~ 打落去果下同平時一樣, 但係數到第8下時, 已經"好痛呀~", 去到第12-13已經開始標眼水... 老公第一次發現, 原來做treatment真係好辛苦架...

聽日就要放精, 希望老公的丁丁生生性性. 今晚諗住盡地一煲, 燉多次冬虫草海參湯過佢補一補

1st IUI cycle - day 8

打咗五日針，今日返去見Dr Tay。照到左右每邊各有一粒，但左邊的大啲，阿Tay話睇怕都係靠佢。不過佢都話，做IUI只係求一至兩粒好嘅卵，所以有咁嘅效果己經gd enough。Day 11再返去，睇下either day 12 or 13放精。

今日睇埋day 3的驗血報告，FSH好似偏高啊

FSH： 8.3 IU/L

LH: 3.6 IU/L
E2: 110 pmol/L
Prolactin: 6.9 ug/L

阿Tay講說話好positive同埋好小心，佢唔會令我擔心。一過都話我今個cycle的performance都比上個cycle第一次睇佢時好。望係咁望啦！不過佢都話，我嘅FSH喺我嘅年紀嚟講，喺upper limit度。所以初步睇嚟，都認為我做完呢次IUI之後，下次要積極考慮做IVF了。之但係，都仲要睇埋老公的seman analysis result；但佢嘅condition一般嚟講唔會有好大轉變。相反，女性的年齡因素就影響好大。

我返嚟再check過所謂正常的FSH水平。外國醫院話唔好高過10.2就OK，wikipedia話唔過9都冇乜問題。但睇番啲bloggers話仁安畀的reference係below 7.90。可能就係咁已經proof到，我卵巢功能的確麻麻地。

當然，我都知道好多cases，FSH好高都可以成功。始終，懷孕嘅嘢唔係睇單一因素。我又唔會真係好擔心。上帝要畀嘅，佢總有辦法畀。我身邊就已經有一位朋友，未結婚已confirmed係不育的，結果結婚三個月就有咗，而家BB都讀幼稚園了

其實我自己都打算，今次唔成功的話，下一round就直接做IVF了。橫掂都要打針，不如谷多啲卵，做成功機會高啲嘅IVF。不過2月阿Tay放假，最快3月至做得。萬一3月嘅期miss咗，我就要等5月了，因為4月超忙！我都好希望我忙埋呢個月，過年可以休養生息一下。工作壓力太大，唔好話生仔，連hormones都亂晒！

1st IUI cycle - 第一針 (day 3)

M小姐比預期早左5日, 可能因為我12月飛得太多 (足足飛左半個月呀~)... 希望唔係功能性問題啦

因為M小姐早到, IUI也就早左開始. 噚日day 3, 見左Dr. Tay, 晚上終於打左第一針.

之前我一直問老公, 要自己打針囉喎, 緊唔緊張呀? 佢畀左問到煩 感謝神, 打針好順利. 可能我針炙開, 加上我肚皮皮大肉厚, 基本上我完全唔痛 (touch wood ).

由於係第一次, Dr Tay話"唔知我咩反應", 所以呢5日都係打中等份量, 每日112.5ml Gonal F. 藥水佢地溝好晒, 返屋企凈係上針同打針就ok.

星期六再返去見阿Tay, 睇下進度如何.

月尾要同家人去旅行, 仲plan緊去滑雪添 唔知到時使唔使臨時變陣, 改行程呢