由流啡的當天起計, 剛過了兩星期. 這兩星期要不就是出差, 要不就躲在家中休息, 休息再休息...
忽然覺得, 原來自己都有做闊太的天賦 (可以一直閒著做無聊事), 欠的只是做闊太的條件 (唔返工會無飯開).
各位也請放心, 我冇癲到日日燉雞汁, so far飲咗4-5次, 其餘時間都係用燉過雞汁的雞再加螺頭同冬虫草燉湯. 味係淡少少,
但清清地, 幾好, 老公又飲得
而我自覺身體的復原比我想像中快. 兩星期前見岑醫師佢話我虛弱得好緊要, 剛過去的星期六, 身體狀況已大概如去年年底, 脈係細啲,
但比之前已經明顯好轉.
星期一攞咗假, 為自己製造了長周末. 基本上4日都係匿喺屋企, 凈係返過教會, 母親節同媽媽食過飯, 星期一下午同我個best
friend出咗去high tea, 其他都係喺屋企煲碟! 買三套日本電影vcd返屋企, 煲晒! 好耐冇試過咁豪!
天父好好, 為我預備了一連兩個星期很好的訊息. 對上一星期講"選擇相信", 要相信在我人生的藍圖中,
上帝作為設計者比我更清楚我需要的. 我要相信縱使我在眼淚中, 上帝亦要施恩予我.
今個星期講哈拿, 一個不育的婦人, 她一直祈禱都等不著兒女, 後來神終於應允, 她一個兒子, 哈拿給他起名叫撒母耳
(Samuel), 意思係"他是我從耶和華求來的".
其實這段經文, 在過去一年多的求子路中, 一直在鼓勵著我. 我知道神會在最好的時候給我最好的. 由那時起, 我就決定,
如果日後我有兒子就叫Samuel, 有女兒就叫Sammi (Sammi 是從Samuel變化出來的女性名字). 我一直也沒有跟老公提過呢個想法. 當日崇拜之後,
我將呢件心事同老公講咗, 估唔到佢點頭啊! 平時佢只會話, "到有至算啦!", 經歷了過去兩星期的事, 我想他也成熟了, 也似乎是more ready for
being a father.
我相信, 塞翁失馬, 焉知非福. 如果透過這段時間所經歷的, 讓我們兩公婆更懂得愛和珍惜對方, 也更ready做父母的話,
我會認為是值得的.
我會繼續努力調理好自己的身體, 迎接我的產業
有興趣睇哈拿的故事的, 可以參考以下的經文! 願每位在求子路上和我一起打拼的朋友們, 都得著激勵
第一章
|
No comments:
Post a Comment