要為放雪胎努力

這幾天因為腸胃炎, 瀉到人也有點手軟腳軟. 還好, 現在距離放胎的日子還有十幾天, 希望可以好好recover.

噚日去睇醫生時量血壓, 發現血壓又回落至低位. 上壓只有9x, 下壓還好, 有7x. 我一向血壓低, 西醫話冇問題, 但中醫話血壓太低唔好, 要返去大約110-120上壓就差不多, 到時應該可以carry到bb... 我努力咗大半年(包括中藥, 調理作息時間, 加少少運動), 到今年3月時上壓真係去到11x... 到4月做ivf時都維持喺呢個水平... 但一次疑似小x, 就打回原型 (還好, 下壓不算低)...

其實岑醫師上個月已經預言咗, 我啲血壓一定會還原基本步... 我只係冇諗過連100都冇...

今朝掟起心肝同自己講, 要做番啲運動. 我希望爭取呢兩個星期時間, 每晚放工去做20-30分運動, gym好, 游水好, 再唔係散步都好, 點都要郁! 亦要開始節制飲食... 喺疑似小x後, 當正自己坐月咁燉雞汁同飲雞湯, 肥咗幾磅! 我要努力搣甩佢!