1st FET: Certified

Case close. 想八月去旅行，但老公唔知行唔行得開...

M小姐唔該快啲嚟。你一日唔理，我個人都會好燥！

今朝決定, 七八月我要喪玩!

請祝我好運, 要book到1/7出現的短線pkg, 然後八月去澳洲滑雪與爬大石 --> 在世界中心呼喚愛 --> 到時呼喚個b嚟

我很好

多謝各位姊妹為我操心. 我諗我早兩日的反應真係激動得令你們為我擔心, 在這裡要好好的多謝你們, 也要告訴你們, 我很好, 不用掛心.

噚日朝早知道result之後, 心裡確實有點難受. 但神卻藉住呢次機會要我倆去面對一些平時"掃喺sofa底"的問題. 面對的時候, 比面對"沒有兩條線"的結果更難受. 但感謝神沒有讓我倆再選擇逃避, 縱然淚流滿面.

其實今日至真係official check bingo day, 我偷步噚日驗, 就係想有咩事都可以喺教會的崇拜中得到安慰. 上帝好明顯都知道我的鬼主意, 為我們安排了一堂很切合我們需要的訊息. 但神的意念高過我的意念, 我本身的鬼主意只是讓神安慰我"失敗"的沮喪心情, 因為在昨天之前沒想過會同老公"開拖"的. 誰知天父為我們安排的, 卻是針對我們"開拖"的問題, 一一的解決了我們的心結.

上帝在崇拜中親自同我倆講說話. 我亦係咁多年來, 第一次見到我老公在神面前因著神的教導而流淚.

傍晚我回到家中, 老公認真的同我講了兩次對唔住.

然而, 我不能不承認, 在夫婦關係中折騰了一整天之後, 晚上我終於再次面對"失敗"帶來的負面情緒. 哭了一輪, 很想去睡但又不敢去睡, 因為怕睡著了會發惡夢. 但感謝神, 我最終安然渡過了一個晚上, 睡眠質素不算很好, 但至少一個惡夢也沒有發.

今朝打返診所, 姑娘問我做乜噚日走去check, 本來想叫我今日再check. (我話, 噚日都冇, 今日唔會有架噃, 係嘛?) 但我都已經返咗工, check都冇乜用

我有話俾姑娘知, 叫我用晨尿check其實冇乜意思, 因為我向來瞓得唔好, 每晚至少起兩次身(呢幾日更加起得密), 起親身就會去weewee同埋飲水(我床頭會放一杯水, 瞓完一覺實飲晒). 佢話咁樣話, 叫我等多兩日, 如果period都唔嚟, 就再check多次啦!

多謝你地好好咁安慰我, 叫我等多幾日. 但我不會給自己high hope, 費事過兩日又開始失眠!

再次多謝你位咁體貼我! 我愛你們, 我的姊妹

1st FET : 沒有神跡

都說，結果會是這樣的。M小姐不來，卻也不是bingo。當我見到clearblue的對照線慢慢的、堅實的顯示出來時，我就知道上帝說時候還沒有到。

人在傷痛時，很容易將心裡埋藏了很久的思緒都抖出來。老公說一起祈禱，我說好，可惜他的禱文不能使我的心感動。說著說著，六年多以來的舊事都抖了出來，原來還有太多“未解決”的事。

家家有本難唸的經，我不會說我們家的問題特別嚴重。但我深知道，愛我的天父不想看到我繼續受苦，而且是不會帶來好結果的一些苦。

時間再趕也沒有辦法，可能根本在眼前人還沒變得對之前，我的努力只會徒然。

然而“還沒有變得對”的眼前人，會變“對”嗎？

曾幾何時，見過一些轉變，讓我以為有轉機。但那些只是外在的功夫；人的心還是一樣。

跟他要說的都說了。

跟祂要說的也都說了。

神啊，讓我知道如何去解決，也讓我有勇氣去解決罷。阿門。

放心，哭過了，眼淚乾了。失敗了，原來也沒什麼大不了。

1st FET : day 16 ﹣ 神跡真係會出現嗎？

聽日就係check bingo的大日子。心裡好希望聽朝會見到傳說中的兩條線，但我心裡常常有惡魔。我總覺得奇怪的事會發生，即使M不來，也沒有bingo...

唔知點解，心裡好像中了咒似的，一直往不幸裡想...

唔知今晚瞓唔瞓得著呢？

FET - day 13: 小腹痛

噚日day 13, 亦係今個cycle的day 29, 平常應該嚟M，但係冇嚟。

不過噚晚半夜開始，久唔久小腹會痛，一時左邊，一時右邊，每次痛一陣，大約30秒。以為今朝會好啲，點知今日日間全日都係咁，久唔久就有些少痛，但又唔算太密。後嚟我擔心，就早啲收工返屋企，點知七、八點時怎住係咁痛，我好驚 即刻瞓喺sofa度唔敢郁。後嚟一直到九點半過後，至慢慢好少少...

好擔心 請為我祈禱

FET - day 10: 一個特別的父親節

謝謝各位的鼓勵，噚日下晝我煲了兩套DVDs，當眼同腦都冇咁得閒時，心情就好番了。胸依然冇谷，但分泌又變番多了 當然，這一切都不與bingo與否掛勾，只係一而再反省自己份人未免過份敏感了一點... 要好好學習放鬆，媽媽路上的壓力比求子路上的壓力更大，如果不學好relax，日後的日子定會更難走...

 

感謝神給我過了一個特別的父親節。除了為天上爸爸及地上爸爸感恩之外，今年我們首次為到“想做爸爸”的老公祈禱。

過往父親節，教會都習慣叫為人父親的舉舉手，讓大家為他們鼓掌和祈禱。主席今朝一開始崇拜時就這樣做了；當時我心裡想，不知到那年我老公才有份站起來接受這樣的祝福？我必須說，上帝聽了我心裡的微小聲。牧師上台報告時，又再次叫已為人父的弟兄站立，跟住竟然問，“當中有很想當父親的弟兄，我也邀請你們站立。”我當然叫我老公起身，估佢到佢真係二話不說就站起來了（男人臉板簿嘛）！牧師緊接就帶領會眾一同祈禱：“求天父聽你們所求，賜你們屬神的產業。”

一直到下晝，同地上爸爸吃過飯後，心裡依然覺得好感恩。老公似乎成熟了，比之前更ready做爸爸。這次FET的過程中，我常問：你有冇為BBs禱告，他都說有，而不是顧左右而言他。當我心裡疲乏時，請他開聲為我傾禱時，他也爽快的答應了（以往總是拉拉扯扯，要我陪他一起開聲才肯！）這次他公開的表示自己好希望當爸爸，也是一個決心的表現。求天父鑑察他的心，賜下我們所祈求的產業。

這幾天很累，起身不久又想睡了。可能係之前幾日趕project太攰？唔好理，我要趁weekend好好做豬

喺我去做豬之前，同大家分享一首詩歌的歌辭。它多次在我傷心沮喪時叫我重新振作：

神已聽見我的呼求 祂也明白我的渴望
放下重擔，脫去一切纏累
恢復神造我的榮美形象

永在的神，創造萬物的主
祂的智慧無法測度
疲乏的，祂賜能力
軟弱的，他加力量
等候耶和華必從新得力

如鷹展翅上騰
翱翔在神的國度裡
飛躍所有艱難和風暴
單單注視祢榮耀寶座

如鷹展翅上騰
翱翔在神的國度裡
領受聖靈恩膏和大能
活出美好自由的風采

FET - day 9

終於喺day 7又KO咗個大project，呢兩日我要好好休息。

但個心忙完咩，個腦又開始亂諗嘢。

放胎後呢個星期，係有啲分泌，肚有啲谷M 痛嘅feel，但又唔係好痛。個胸咩感覺都冇，係有一日覺得有啲谷，但係原全唔硬唔痛... 今日仲要係分泌都少埋，心裡覺得好唔平安呀 個心一煩，就想去瞓覺... 由噚晚到今日，活動時間其實唔夠4個鐘。

理性上我知道咩感覺都係呃人嘅，但係呢一刻嘅感受真係好無把握。

仲有足足一星期至驗後bingo，有排等。如果真係失敗咗，我係咪可以平靜咁接受呢？

各位sister，快啲鬧醒我呀！

FET - day 4

今日己經係放胚胎後第4日，除咗day 1 & 2好攰好眼瞓外，day 3已經正常返，開始有些少肚谷谷嘅感覺，但個胸一啲都唔痛。負能量好大啊

我其實逢星期日下午開始都要做公司野，因為凈係一至五返工，根本做唔晒。但做到星期日晚，我會畀自已睇電視，任何會令我笑嘅節目都會睇，否則我好大機會會出現sunday night syndrome, 即係失眠，要碌幾個鐘至瞓到！

其實我今日同聽日都仲係sick leave，但噚日下晝一拎野出嚟做，啲壓力就返晒嚟。如是者，夜晚我又坐喺度煲電視，笑完晒之後，諗住send啲野返去公司。唔開e貓由自可，一開... 唔係嘛？我老闆send咗十幾個e貓過嚟。有啲係keep me in the loop, 有啲係有task, for action的。其中一個佢問：星期一同二係咪sick leave?

其實我老闆係好人，佢絕對唔係想畀壓力我，叫我唔好放；可能係因為我off咗，佢已經要頂埋我果份，佢都頂唔順。我諗到呢度，眼淚就忍唔住流出嚟！

其實我星期五放完胎當日，已經抽咗一個鐘頭清晒啲email，做得嘅都做咗。到傍晚又check咗一次，可以做得答得嘅都解決咗... 點解仲有咁多？點解連sick leave都要做野？明明sick leave係合法合情合理，但點解我覺得我好似欠咗人咁？

我知道我要調節心態，但係真係好難。我每次諗起要其他人幫我做咗我嘅野，我就好唔開心

但我知道我咁諗法真係死梗，BB一定瞓唔到落床！我半夜點幾鐘都捉我老公祈禱，求天父安慰。連我老公都話，今次咩都唔好理，搞掂個B先！好，我就豁出去！

sisters，請你們在禱告中記念我。我知道我有個好大的心魔，就係壓力。如果我唔解決佢，真係好難會carry到BB！求天父加給我力量，讓我去戰勝呢個心魔！

FET - day 1

今朝放胎了！

感謝神，兩個胚胎都安然渡過了thawing。只係其中一個解凍後少了一個cell，但不影響grading。Dr Tay話唔緊要，因為做PGD都會抽一個cell, 只要個胚胎係ok嘅，佢一樣會繼續長。

不過好神奇，原本我雪的一個是2-cell, 一個是4-cell；但今日放嘅時候，兩個都係4-cell (只係其中一個變了3-cell）！到底係雪之前，個2-cell己經變咗4-cell，定係解凍後繼續長到變4-cell我就不得而知。但我感謝神，因為至少個胚胎喺度長緊。岑醫師話呢啲胚胎係好嘢

今朝放胚胎好順利。我係第一個，應該8:00am開始，我就7:40am至開始慢慢飲水。上次經驗話我知，飲得太快會急得好快，咁就好辛苦！今次慢慢飲，入手術室之前一共飲咗4杯，入到去Dr Tay話啱啱好！放完之後大約8:40am，仲可以忍到10分鐘至去第一小weewee，學啲sister教去一半，總之去到唔覺得急就停；如是者又忍多10分鐘又去第二次。咁樣捱過40分鐘至放心慢慢去晒啲水，舒服晒~

今日除咗順利，仲好warm。姑娘同手術室助理推我出手術室時，個助理同我講，我為你祈禱，希望你今次成功！跟住Dr Tay爭住講，我都有為你祈禱架（好似小朋友驚執輸咁）！佢仲話，其實佢朝朝都會為佢啲patient祈禱的；不過佢只係一個technician，得唔得真係要睇神！我話係呀，盡咗力就要等神搞掂囉

放完胎之後超攰，我諗係因為今朝太早起身啦！我出院後食埋個early lunch至返屋企，返到屋企12點。做咗一陣公司嘅就頂唔順，上咗床瞓咗一陣，至動身去岑醫師度針炙。針完去書局行咗半個鐘又冇電，即刻死返屋企。而家同大家報告完就開飯，今晚都係早抖了

補充：做運動真係好好！我今朝入院check in時，血壓“靚仔”番晒！上壓有11x, 下壓6x，連姑娘都話好好！雖然血壓同放胎／胚胎著床冇直接關係，但係我相信身體狀態好一定有好處！

Let God Choose

Just read a very nice article online. To share with you all~

As for God, His way is perfect! Psalm 18:30

Let God choose for you, it will be the right decision.

Let God guide you, it will be the right direction.

Let God plan for you, it will be in the right timing.

Let God measure for you, it will be the right portion.

Let God help you, it will be the right care.

Let God instruct you, it will be the right teaching.

Let God prepare you, it will be the right training.

Let God counsel you, it will be the right perspective.

Let God fight for you, it will be the right outcome.

Let God work in you, it will be the right result.

-Roy Lessin, DaySpring co-founder and writer

1st FET - 7 days to go

今日day 11返去見Dr Tay，內膜正常，已經有11mm；旦旦都正常，已經有14mm。Dr Tay話旦旦要過多兩日至夠大。我話佢知，我一般喺day 14驗到線的。佢有問我係咪每個cycle都驗到，我話我唔係個個cycle 驗，但係驗親都有嘅。佢話咁就好了，因為有啲人可能係有M冇排卵的。

Dr Tay今日真係好忙，我嘅appointment由3:30改到5:30。我5:15上到去，結果又再等咗兩個鐘至有得睇。我係最後一個。佢見係我，就話畀佢去個washroom先，叫我自己入去房坐住先。姑娘話，佢今日第一次去washroom咋！真係辛苦！冇法啦，邊個叫佢咁受歡迎

我本來想同佢個上次疑似小X的事，但我未開口，佢就搶住講：你有chance的！你啲胚胎quality好ok, 係數目少啫；我唔知你幾時會中，但係只係時間問題

我同佢講，我嚟緊呢兩個月都唔使飛，而今個月係最“唔忙”嘅一個月，我諗會好啲！

佢又質疑我到底做果份係咪政府工，點解會咁辛苦！我唯有答，今時今日做政府工真係咁辛苦架喎！

我一直好擔心啲胚胎thawing後會死嘅問題，因為聽埋啲數字話有30﹪會係咁。佢問我喺邊度聽到？我話上次喺QM，佢地係咁講。Dr Tay就話唔使擔心，養和seldom出現呢個情況。佢做咗咁多年，極少胚胎thawing後會死，主要原因係養和培植胚胎，如果唔夠靚的話，根本唔會雪；所以雪得嘅，就算解凍返，出事嘅機會都好細

聽完我個心真係安樂晒！

因為我上次雪嘅係day 2嘅胚胎，所以我如無意外會喺下星期五就去接雪寶寶啦！

Dr Tay計完數決定下星期五放胎之後，就同我講，星期五佢死梗！因為一早就要開刀接生，跟住有兩個IVF同兩個FET（未計我）。我聽到都覺得恐怖，凈係同佢講，你唔好死呀！ 佢仲慘到星期一要自己打去醫院同我落booking (因為PH啲姑娘放假）。見到佢就辛苦！我問佢，使唔使請多個助手（本來想介紹個朋友畀佢的），點知佢話，請多個助手係冇用，變多個我出嚟就話啫！我後嚟同姑娘講，變多個佢出嚟，佢發達就真，可以收多一倍客喎

過去幾日我好乖，幾晚都有落街“散步” （我住喺山腳位置，所以就行上山之後再落番山，好似行山咁），今朝又去咗游水！呢個long weekend我要繼續加油，希望維持好狀態去放胎。

我今日都有去睇中醫，話咗畀佢知我早幾日肚瀉，好擔心影響狀況，不宜放胎。佢把完脈話我都OK。又放心咗！