有時候, 原來不想真正領會何謂公平...

在一而再嘗試失敗之後, 我常常安慰自己 (包括朋友) 說: 天父是公平的, 只係我在這一段日子太focus自己的困難, 看不到別人的難處... 別人或許想生就生, 但也trade off了很多很多... 每個人都有一個故事.

真係, 我深信每人都有每人的難處, 只係難處出現在甚麼時候和如何出現...

我的好朋友, 是一個"話生就生"的幸運媽咪. 第一胎試了兩個月, 第二胎一take搞掂...一仔一女, 幸福美滿 如今長女已經快入小學, 幼子也都準備入kindergarten. 長女跟媽媽的性格很像很像, 阿仔就較沉默, 比爸爸的性格更加沉默. 在朋友的聚會中, 也不難發覺仔仔唔多講野, 亦唔同小朋友玩, 凈係鍾意同老竇玩. 讀左nursery 幾個月, 不認不認還需認, 仔仔可能有點"不同". 終於鼓起最大勇氣去找專家, 結果證實係中度自閉

今朝知道呢件事後, 心情好差... 我明白這就是人生, 但人生有些功課, 實在令人窒息...

但我仍然相信, 上帝給我的試鍊, 不會是過於我們所能承受的. 作為朋友的好朋友和仔仔的契媽, 我只能默默為他們禱告, 陪他們走過日後每段艱難的路...

阿仔, 就算你真係"與眾不同", 契媽還是一樣愛你

可愛的Dr Tay

今日終於見到百聞不如一見的Dr Tay, 等佢9個月，都唔係白等嘅

 

一入到房，佢問我想佢點幫我 好直接 but I like

我將我個case好簡單咁同佢講，我話我try luck已經try夠，係時候take action。佢話真係try夠了，又話，一般醫生睇完老公的seman analysis報告，都會直接叫我地proceed to IVF, 因為IUI的成功機會太低。不過，佢話我仲未算真係好“高齡”...

我: “醫生，我都36囉喎，過埋年就37囉喎！”

Tay: “39/40就直接做IVF，唔好嘥時間，你仲可以試一兩次IUI；不過，都要睇你夠唔夠貨(egg) ..."

我: ...

Tay: “點解之前冇check過hormones?"

我: "之前兩個醫生都話我個record一路都唔錯，唔使check住喎！”

Tay: "唏，講咩都冇用，數字最實際。"

跟住入去照ultra sound，先照肚，再照陰道。

在未講result前，必須講佢手勢一流！係我照咁多次超陰的醫生中，最唔會整到我唔舒服嘅一個

好，講番結果。佢話我"唔算特別impressive。"

我: “咁即係點？”

Tay: "有啲人一照就滿晒，有啲人搵得好辛苦至搵到一粒，你嘅就good enough for having babies 啦。” （我心諗，大哥，我嚟M都嚟咗25年，唔係仲有大把貨咁勁嘛?! 如果係，咪有排都唔使指意收經！ 何況，之前Dr Chow都話我已經開始有signs of aging，我又唔會expect我仲有大把貨）

咁都放心啲 其實阿Tay份人講野都幾搞笑，令我好輕鬆。心情好，自然對佢有多啲信心

我其實好擔心做一次IUI先會好嘥，明知機會咁低，又要打咁多針藥。不過佢話，試過偶然有一兩個case(s), morphology得1%，做IUI都搞得掂。當然，呢啲係個別個案，但唔試過唔知係咪真係唔work。既然我地未做過，可以試。但喺過程入邊，佢會同我驗埋hormones，老公就交丁丁時再驗一次。如果出嚟嘅數字唔靚，就唔好再嘥時間試第二次IUI，直接喺之後個cycle轉做IVF。

我覺得咁嘅advice fair enough。

我問佢，可唔可以唔自已打針，返診所打或者去醫院打呀(我住得好近養和）。點知佢話，我100%病人都係自已打架喎，最多好似蚊咬咁，跟住自已demo咗一次畀我睇。佢枝針槍係㩒掣的，唔使自已插入皮膚，又唔使自已“擠”啲藥水，睇落好似容易好多。咁都好啲，冇咁驚

我地臨離開Dr Tay間房之前，阿Tay話：“希望我幫到你地啦！”

我: "你實幫到我架喎，差在遲早之嘛！”

阿Tay都surprised by我嘅回應，笑咗 跟住答我："係架！”

唔知點解，見完佢，成個人好輕鬆，腳步都輕啲。我仲不停同老公講，我好鍾意呢個醫生喎！老公唔明我乜解究咁like阿Tay，不過我鍾意佢，就搵佢做treatment 啦！

我成日覺得，有信心至會成功。至於點解我對阿Tay咁有信心，我都唔識講，可能因為受我朋友影響。我聽佢講阿Tay嘅事聽咗兩年，入咗腦啩！

點都好，好嘅開始係成功嘅一半！2011年就係我迎接BB嘅一年！我要加油！

各位bloggers，祝我順利呀！

令人煩厭的period

小姐遲到了足足三天... 起初還以為會有奇跡, 但奇跡還沒有出現, M小姐就施施然的蒲頭...

在她遲到的這幾天裡, 身體出現了奇怪的變化, 除早餐以外, 其他時間都冇胃口, 食魚旦米都只能夠食到半碗, 連肚餓的感覺也沒有... 每晚到十點, 又會開始覺得想嘔... 我一直同自己講, 應該係腸胃出左問題, 唔會係bingo (因為想manage自己的expectation, 無期望就無失望); 但同時間, 又點會唔諗... 當然, 今朝見紅後, 心裡又有一陣子的失落...

哎... period呢家野真係好煩. 舊年呢個時候, period變左26-day cycle, 但個個月準時, 我又嫌個cycle短得滯; 到得而家食中藥加針炙, period慢慢長番, 但又個個月都會差一兩日, 失晒預算. 希望只係因為調經的過程"尚在進行中", 未穩定, 所以至每次長短都有出入啦... 如果唔係, 我又要開始煩了...

仲有10日, 就見Dr.Tay. 早幾日仲擔心, 會唔會咁好彩bingo到, 跟住冇得睇Dr.Tay, 話晒我排左期成9個月... 而家... 哎, 唯有安慰自己我同阿Tay應該係好有緣 希望阿Tay真係會幫到我

求舒緩壓力良方

這段日子, 各方面的事把我壓得透不過氣來!

首先是舅父病危, 情況太差, 香港的醫生不肯做一個極高風險的手術. 舅父由朋友轉介返左內地求醫... 一來擔心佢身體, 二來我對內地的醫療系統全無信心... 不過, 結果證明是我過慮了. 手術成功的完成了, 舅父也在ICU住了一星期之後, 剛轉回普通病房...而我, 就要每一兩個星期就請一日假跑回內地去看望他的情況. 雖然, 媽媽常說要返工就唔好去了, 但我堅持, 總覺得見多一次就一次, 因為舅父患的其實是末期cancer... 都唔知仲可以見多幾多次...

其次就是上司的調動. 一向"無為而治"的大老闆12月會調職, 調來的是一個令人風聞膽喪的超勤奮女子... 本來工作已經沉重得緊, 加埋一個極demanding的新老闆, 諗下都驚. 當然, 做好自己的工作, 也不用太擔心... 但工作關係呢家野, 好多時係人夾人, 唔夾的話可以死得好慘...

工作方面, 12月和1月本身就是高峰期, 期間至少有三個business trips, 加上做唔完的daily works... 所有野都要在農曆年前做妥... 我旗下的幾個"福祿壽"又幫唔到手(三個中有兩個係等退休的, 佢地唔搞事齋坐唔做我已經當幫忙; 另一個後生仔, 典型港孩, 乜都唔識, 教到我斷氣 ...). 再加上, 1月又要內部重組, 我要take up更多好challenging的duties, 出trip的次數只會有增無減... 哎...

凈係呢幾樣野, 已經壓死我. 再加埋生仔呢個大大難題... 我就快崩潰.

呢幾日感冒, 食完感冒藥本應瞓到死豬咁... 但我呢排晚晚都瞓唔到, 每一兩個鐘頭就醒一次, 仲要每次瞓返都發唔同夢. 一時發下工作, 一時夢見新老闆, 一時又出咗trip, 一時喺度諗到底做IVF定IUI好? 一時又發夢, 唔單止兩個close friends最近都公布有喜3-4個月(呢單係堅), 連兩個估佢唔到朋友, 都話有左, 仲要下個月就生得添 (呢單係發夢啦~)...

各位姊妹, 我就快癲... 點好呀? 救命呀~

排埋瑪麗的IVF私家隊

終於掟起心肝, 將已經ready咗兩星期的referral letter, sent去QMH度排私家隊.

排 Prof. Ho 已經排到三月頭, 唔計中間的紅假, 其實都係排三個月度, 都好reasonable

事緣呢兩日又感冒, 去睇西醫. 我睇左呢個西醫大約一年, 知佢以前喺政府醫院度做, 又喺衛生署做過, 對公營服務比較熟悉. 問起佢喺QM的IVF情況, 佢就話QM的成功率其實幾高, 應該高過私家醫院, 就算佢資料唔係最 up-to-date, 但都幾肯定QM的 success rate 唔會差過出便. 加上 Prof. Ho 喺做 IVF 而言係有名的expert, 佢建議我放心去排隊. 講到服務, 佢認為公立醫院其實都唔差, 不過要求去到私家醫院咁貼心就真係未必可以.

我其實係睇錢份上, QM一個 normal IVF pkg 係 HK$58,000 (計埋做ICSI), 仁安係$80-100k. 排定, 當買個保險.

希望到時唔使去到QM

明報: 人工授孕植多胎 早產流產風險增

原來凈係高齡, 至可以植入三個胚胎架... 哈, 我真係見識少

不過, 可能到我時, 我只會植入兩個. 我實在唔敢想像要自己決定打掉一個已經有手有腳的bb...

==========================================================

人工授孕植多胎 早產流產風險增

(明報)2010年11月16日 星期二 05:10

【明報專訊】常說一子難求，生殖科技為不育夫婦帶來曙光。有生殖醫學專科醫生表示，近年人工授孕的趨勢是「一個起、兩個止」，不少求診夫婦都很心急要小朋友，寧願懷有雙胞胎也希望「一次成功」，其實同時植入兩個胚胎，將把早產及流產風險由3%增加至約10%。

「大部分夫婦都選擇植入兩個胚胎，在香港很難說服他們只植入一個。」生殖醫學專科醫生蘇偉基解釋，接受生殖科技的父母多數很心急生孩子，加上要自掏腰包支付治療費用，故希望一次成功。植入兩個胚胎後，成功產下雙胞胎的機會率為37%，「對父母來說，生孖仔會更加開心，覺得幾得意」。不過他坦言，其實植入兩個胚胎有一定危險，早產及流產風險約為10%，植入3個的風險更高。

高齡植3胚胎 三選二合法

根據生殖科技管理局在2007年訂立的實務守則，只有35歲或以上婦女及有醫學證明的特殊情况下，醫生才可替她們植入最多3個胚胎。蘇醫生表示，如3個植入的胚胎胎兒全部成功生存，法例容許父母選擇「三變二」，待胎兒長至11至12周的5厘米大小、手手腳腳長齊之後，「選擇打掉其中一個『麻麻地』的胎兒」，以免「一生3個無力撫養，大家攬住一齊死」。

新藥劑增著床比例

蘇醫生表示，減少植入胚胎已成目前醫學發展的趨勢。新的「輕柔」治療方法，以「拮抗劑」配合低劑量的卵泡刺激素（recombinant），代替傳統的「促效劑」來促進性腺激素釋放，把3周的療程減少至7天，在女性經期來後第5天開始注射。由於新藥可使卵泡的成長較為成熟，抽取卵子的數目可由逾10個減少至4、5個，移植胚胎數目可由3至5個減少至1、2個。蘇指出，以臨床經驗來說，新方法能把平均植入2.7個胚胎數目，減少至2.2個，但胚胎成功著床的比例卻由15%提升至24%。

努力了一年的回顧

一年, 話長唔長, 但對於已經36歲的我而言, 卻真係話短唔短.

努力睇中醫睇左接近一年, 有咩成果呢?

• cycle由26-27day 變成 27-28 day, 啱啱呢個cycle甚至係29-day... cycle長番少少, 代表我的黃體有改善, 高溫期長番d
• period變成無血塊, 鮮紅色
• period期間唔會特別攰, 特別唔舒服

加埋西醫的check-up, confirm我:

• 兩邊輸卵管都係通
• 卵巢亦冇大問題 (係左邊出現了些少aging的情況, 不過醫生話正常)
• 每個cycle都有排卵
• 子宮少少後屈, 不過唔影響生bb

雖然未bingo, 但上述improvements/findings都唔錯吖

除左physical的improvements, 最重要係同老公關係好左, 感情好左. 起初唔唔肯去check, 大家關係有時都幾"彊"; 到後期, 佢開始意識到我好努力, 做晒所有check-up, 最後發現係可能係佢問題多少少...而家佢好合作, 肯食supplements:

• 善存 A to Zinc
• Maca
• 茄紅素

佢仲肯去睇中醫, 嚟緊下星期一, 就要開始佢針炙. 希望岑醫師幫到我地啦!

我亦斥資買入冬蟲夏草, 用埋食療配合, "盡地一煲", 務求喺12月底見Dr Tay前improve到佢丁丁... 到時聽埋Dr Tay的意見, 就要決定是否開始做IVF...

btw, 睇到八卦雜誌話李嘉欣係做IVM, 香港好似唔係好興, 有冇姊知呢? 成功機會又係咪真係比IVF高? 副作用係咪比IVF少? 好似仲平過IVF少少添... 有冇blogger知呢?

補充黃體針(二)

11月1日去打咗第二枝補充黃體針, 今次有啲痛. 一來可能因為姑娘手勢有咁好, 二來可能因為佢落針係位置好側, 直情側到去盤骨對落. 果度好sensitive, 有d 痛

問咗姑娘, 原來打補充黃體針同塞藥的效用基本上係一樣, 但針的話, 係刺激卵巢自己分泌多啲黃體銅, 塞藥就直接由藥物補充.

今個cycle, 打定輸數, 只係希望M小姐唔好咁早嚟, 我想我cycle慢慢長番啲, 去到28-day咁就至好嘞... M小姐, 生生性性, 最好唔好嚟搵我, 要嚟的話, 下星期一至嚟搵我, 好嘛

關於黃體不足的問題

多謝咁多位bloggers關心, 原來好多人都想知多啲關於黃體不足的問題。以下係我在網上搵到的資料, 比較簡單易明, 同大家分享

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

黃體素是由黃體分泌，而黃體乃是由濾泡在排卵後，顆粒細胞蛻變形成的，黃體素作用在子宮內膜上，使腺體增生、肥厚形成適合受精卵著床的內膜並可減少子宮的收縮，以利著床，一旦著床懷孕，胚胎的胎盤慢慢形成，並分泌荷爾蒙逐漸取代黃體素的分泌，在大約胎兒8週大時，便可完全取代卵巢黃體素的分泌，因此在這段期間若是黃體素的分泌不足，便有可能發生早期流產的現象，甚至影響在更早期的時候，使胚胎不易著床而導致不孕。

所以更正確的說法應該是黃體素不足不會影響精卵之間受精，但卻可能影響著床，甚至造成早期流產。

黃體不足的診斷並不難，只要劃婦女基礎體溫便可窺知一二，若是高溫期低於10天者便應高度懷疑是黃體不足，便須進一步在月經週期的後期抽血檢查黃體素，若黃體素小於12 ng/ml便可證實。

補充黃體針(一)

今日係第一次打補充黃體針. 由於老丁丁report麻麻地, 我都冇乜期望. 不過醫生叫打就即管打啦! 仁安的姑娘手勢好好, 開始press藥水時仲問我痛唔痛, 我話ok喎! 佢就話我忍得. 其實我喺度諗緊, 枝針插得好淺咋喎, 我針炙時枝針仲插得深啲... 我都已經習慣晒針炙, 又點會覺得痛呢

呢個cycle我day 15至排卵, 如果照平時26或27 day-cycle的話, 咁好明顯係黃體不足了, 高溫期太短, 所以咁耐都唔成功, 可能我都有份contribute. 希望今次打咗針, period可以長番少少, 應該有至少28-day至正常啦...

今日打完第一針, 下星期一仲有一針... 打完第二針, 要隔幾多日唔嚟m至要check呢

給討厭"五姑娘"的老公們

哈哈, 其實唔少姊妹的老公, 都好似我老公咁, 一話要做semen analysis就妞妞拎拎. 說穿了, 其實係因為唔鍾意"五姑娘"

原來用"五姑娘"得到的丁丁, 喺quantity同quality上面都會有影響, 因為"出"的時候有壓力; 尤其係喺診所至"出"的丁丁, 雖然好private, 但因為環境陌生, 都會影響丁丁的quality, 特別係vitality喎... 原來呢, 美國已經有種product叫collection condom, 可以好似平時用domdom咁, natural intercourse後取得丁丁... 咁樣, 不單老公壓力細啲, 出嚟丁丁quantity同quality都好會啲. 美國人唔單止用嚟取丁丁做semen analysis, 亦會喺做IUI時用, 因為會多啲gd quality的丁丁!

不過如果喺online shop買, 一set已經要US$15, 仲要運費差不多US$30, 好鬼貴!

四圍搵, 搵到一間喺香港有代理的, 我寫咗email去問, 有冇得散賣 (一盒30個). 有消息再同大家share

下一步: IUI or IVF?

呢個星期, 知道老公的result後, 我真係好努力! 星期六去打了一個鐘 tennis, 星期日又做咗半個鐘頭 gym (全部30mins都係aerobic exercise). 做 gym 仲係捉埋老公一齊去的! 當然, 佢啱啱開始, 做得15mins aerobic exercise, 但都好吖, 至少係個開始.

我星期六再去見中醫時, 報告咗照輸卵管同驗丁丁的result. 我話佢知morphology得4%, 點知佢話, 世衛的最新標準已經調低咗去5% (vs 之前的15%). 不過, 佢話事實上15%係定得太高, 5%又定得太低. 佢個人經驗係, 大約morphology去到8%, 就可以natural conception.

醫師話, 畀一兩個月時間老公improve吓先, 如果丁丁有進步, 咁就算要做treatment, 成功機會都高啲.

我想, 如果真係幾管齊下係improve到, 可能佢分分鐘去番個比較靚仔數, 可能到時natural都搞得掂 (妄想中)

我有少少心大心細, 係咪應該做住treatment等呢? 定係natural住等呢? 因為12月20日我就會見Dr. Tay, 到時我會要老公再驗一次, 睇吓啲counts點, 因為我想聽埋Dr. Tay意見至決定, 係咪真係做IVF. 做唔做一次IUI先好呢?

努力? 加油?

坦白說, 有時候聽到朋友講, 叫我再努力啲, 繼續加油時, 實在有點反感. 好似講到我好似好唔努力咁 查實我好努力了... 仲可以點努力啲添呢

我知我咁諗好幼稚, 但果刻的情緒係好真實. 但事後我又明, 人家除了跟你說加油和努力, 或可以說什麼呢?

所以, 都係果句, 要繼續加油同努力!

IVF?

今日去了仁安覆診, 老公亦驗了丁丁.

照超聲波, 左邊卵巢見到卵泡, size各方面都ok, 但未排得. 估計要day 14-15至排 (今日day 12). 以我26-day cycle計, 我黃體銅係唔夠, 要打針補充黃體銅

周醫生本來想開口叫我下個cycle做IUI, 點知一見到老公丁丁的報告, 面色一沉...

motility: 15% (vs >50%)

morphology: 4% (vs >15%)

跟住就話, 睇怕只能夠做IVF...

老公個樣無晒表情. 周醫生見佢咁, 就話想試IUI都可以試一次, 下個cycle返嚟, 試吓洗咗之後夠唔夠數啦, 夠就做IUI, 唔夠, 就要諗IVF. 不過佢都話, 可能我老公瞓得太少 (佢算早瞓, 但日日都係半夜四點幾起身就睇美股...), 影響咗...

其實我心裡一早預咗會係咁, 而家反而relax咗.

我估我老公好唔開心, 但佢冇講, 凈係唔出聲 我就同佢講, 一來可能因為佢壓力好大, 丁丁至會唔好啦; 二來, 我地一齊做多啲運動囉; 三來, 試吓我朋友介紹maca, 睇吓好唔好啲? 最後, 仲叫佢星期六跟埋我去針炙, 睇吓幫唔幫到手? 唔使咁絕望

再者, 就算真係IVF, 咪IVF囉, 仲可以減少非優質胚胎的情況... 咁都冇壞啫...

佢一路聽, 凈係點頭, 冇出過聲 哎...

我叫咗周醫生寫埋信俾我去QM排. 起初以為公家証有公務員隊 (我係公務員嘛 ), 可以唔使等咁耐, 但原來係冇架 (我實在太天真)! 打去問, 姑娘話要排兩年... 打去私家隊, 好快喎, 見QM的醫生都明年一二月, 如果見HA的醫生, 就十一月已經可以. 姑娘話兩邊用藥都一樣, 基本上冇分別... 你地話呢?

我諗住諗埋呢幾日, 下星期拎到周醫生referral letter, 就去排定QM的私家隊. IVF咁貴, 一定要搵啲平啲方法至得