X'mas Day - 我諗，我中了一記頭槌

就快18周，一直期待小龍的first kick。晚飯時才和朋友說起，應該好快會感覺到了。回到家中準備上床休息時，忽然覺得肚皮近肚臍的左下方，有一股力由裡面湧起，由左而右，轉瞬即逝... 起初以為是腸動，但腸動一向有連貫性，會feel到啲氣繼續走，但今次沒有。回神一想，難道是小龍？

一直以為會係好溫柔的“撩撩下“的感覺（有經驗的朋友都是這樣說的），但我的感覺很不一樣。像一次很實在的頭槌！我想，如果那一下真的是小龍的first move，佢當時應該係想”由床頭轉去床尾“，所以頭仔在我肚皮下擠了一下，我感覺起來就是一記頭槌。

後來跟老公說起，他即刻用手去摸。都說是轉瞬即逝，唯有下次請早，希望過兩個星期，佢會有機會隔著肚皮感覺到

Merry Christmas

Merry Christmas to all my dear bloggers!

May you have a warm festive with your beloved ones in mid of cold weather, and may God's grace embrace you and your family!

A prayer for my son

A Prayer for my Son - By Gen. Douglas Macarthur

Build me a son, O Lord, who will be strong enough to know when he is weak, and brave enough to face himself when he is afraid; one who will be proud and unbending in honest defeat, and humble and gentle in victory.

Build me a son whose wishes will not take the place of deeds; a son who will know Thee -- and that to know himself is the foundation s...tone of knowledge.

Lead him, I pray, not in the path of ease and comfort, but under the stress and spur of difficulties and challenge. Here let him learn to stand up in the storm; here let him learn compassion for those who fail.

Build me a son whose heart will be clear, whose goal will be high; a son who will master himself before he seeks to master other men; one who will reach into the future, yet never forget the past.

And after all these things are his, add, I pray, enough of a sense of humor, so that he may always be serious, yet never take himself too seriously. Give him humility, so that he may always remember the simplicity of true greatness, the open mind of true wisdom, and the weakness of true strength.

Then I, his father, will dare to whisper, "I have not lived in vain"

給小龍的信 - 寫於16w

小龍:

今日是你與媽媽一起足足4個月的日子. 感謝你一路的合作和愛護, 媽媽的早孕期算是過得很不錯, 沒有其他孕媽媽的嘔吐已經是你給媽媽最大的祝福!
雖然, 你的習慣和對媽媽的影響, 實在有點像鬼佬啊~ 不是嗎? 媽媽除了食慾不振, 胃酸倒流, 渴睡這些正常不過的妊娠反應, 還會頭痛, 耳鳴和流鼻血啊! 媽媽同其他姨姨分享時, 他們都說, 小龍好像跟其他小朋友很不一樣啊

上星期四媽媽再到了贊育醫院檢查. 感謝你的配合, 讓媽媽的檢查都變得很順利. 醫生用機器聽你的心跳, 找了好久才找到呢. 當聽到你像火車聲一般的心跳聲音, 媽媽就知道小龍繼續健康地成長. 媽媽忽然想到了婆婆. 當年婆婆懷著媽媽時, 就只能靠用這小小的聽筒去聽我的心跳聲, 當時沒有超聲波, 不能看見媽媽在她肚子裡的情況; 也不能事先知道媽媽的性別, 要等我出世才揭盅!! 媽媽現在可幸福了, 三個月就知道小龍是個男生, 買床仔, 車仔都可以往男生的風格去挑

上星期二媽媽吃了壞東西, 拉了一整天肚子. 心裡擔心著你. 多得你爸一早打電話幫我們預約醫生, 也感激醫院的姑娘特別為我安排了婦科醫生做檢查. 平時傭懶的醫生叔叔那天很好, 很詳細的用超聲波檢查了你在媽媽肚子裡的情況. 你一切安好, 身量也全部合格! 感謝天父的看顧! 還有啊, Bessie ee 知道媽媽經常擔心著你, 有天給我買來的胎心機, 讓媽媽可以在家中也聽到你的心跳, 知道你安好! 媽媽心裡真的很感激. Bessie ee 兩次懷孕也捨不得買東西, 她卻細心的為媽媽預備了... 你出世後要好好鍚鍚Bessie ee啊! 她是你媽媽的最好的朋友呢 也要跟她的樂樂和心言做好朋友啊, 讓我們的友誼可以一代一代的延續下去!

下星期Dr Tay會幫你照結構啊! 希望你到時乖乖的合作, 讓醫生可以清晰地知道小龍一切也很好! 我知道小龍一定會很好!

媽媽

13w3d

又去見了Dr Tay，小龍長大得好快，上周五照oscar時才6.8cm，一星期過後的今天，已經是8.43cm
明明是13w3d的小小B，卻是14w2d的size啊
不過媽媽喜歡小龍大隻點，這樣才像我！媽媽當年出生是個9磅重的大BB啊！你婆婆常說媽媽好好湊，佢三個小朋友中病痛以媽媽為最少！你都要學好啊

雖然12月8日到贊育再檢查，但好似話冇得照超聲波的。咁好可能下一次要見你，要等4周後再見Dr Tay了，到時已經17周了！我會好掛住小龍和Dr Tay的 期間，小龍你要加油啊！一天一天長大！

給小龍的第一封信 ﹣ 寫在12 w 3 d

小龍：

終於可以給你寫第一封信，因為你在天父的恩典下，順利通過了媽媽最擔心的oscar test。媽媽是一個小信的人，眼見自己已屆高齡，身體各樣也不見得比別人優勝，就一直擔心唐氏綜合症會出現在你的身上。感謝天父給媽媽很多很多很支持並一直鼓勵媽媽的戰友姨姨們，她們用很多很多的禱告，托住了媽媽和你。昨天我由公司前往診所的途中，也一直禱告著。我彷彿看見天父的旌旗在前頭帶領著我們一家三口去迎戰，那一刻我就知道，我們得勝是本乎神。

媽媽躺在診症床上時，心臟卟通卟通的跳。我告訴你爸，心跳得很厲害啊！後來醫生叔叔進來，跟媽媽很親切的打個招呼，媽媽的心才沒有跳得那麼厲害。林醫生真的很專業，照了不消三秒就知道你是男還是女。其他醫生要照兩至三次頸皮取一個平均值或最低值，林醫生只需照一次就肯定的告訴媽媽：1.6mm, very good。媽媽聽畢，呼了一大口氣。

林醫生：你好擔心咩？
媽媽：擔心呀，我高齡呀嘛！
林醫生：唔使擔心，照埋其他先。

接著林醫生說你的鼻骨生得好好，心臟和肝臟都沒有問題。然後和媽媽爸爸一起數你的手指仔和腳指仔，只是你頑皮，將其中一隻腳仔收了起來！
後來醫生再換了另一部機，又照了你的咀咀，確定沒有兔唇，也見到你的兩隻眼仔。

醫生離開診症室時說：九成幾沒有問題！
媽媽：咁如果聽日驗血報告唔PASS呢？點算呀？
林醫生：唔PASS先算啦！不過我相信你九成幾冇問題，我好少錯嘅。
媽媽：我就係知道呀，所以專程嚟搵你照...
林醫生：多謝...

今朝媽媽收到姑娘的電話，確定你係very low risk：

T21 (down syndrome): 1 : 2 916
T18 (Edward's syndrome): 1 : 6 501
T13 (Patau syndrome): 1 : 21 738

媽媽真係好開心，因為小龍你好叻仔！明天，媽媽終於可以將有孕這個好消息告訴你的公公婆婆和祖母！

小龍，媽媽和你一直很努力，方能一起走到今天。前面還有不少潛在困難，我們要繼續學著依靠神去走過每一個關難。

媽媽

11 week 1 day

等咗兩個星期，再見到小龍，已經有4.32cm，exactly係11 week 1 day的標準長度。

照的時候，意外地見到小龍喺度玩蜈蚣彈！真架，佢真係成個彈起咗，超搞笑。跟住又雙手雙腳一齊fing，fing fing下又將隻手擺上頭上便...我真係估唔到，咁快就見到佢動作多多！

Dr Tay仲專登放大咗佢嘅頭仔，見到眼窩，鼻骨同埋個口。我問Dr Tay，真係鼻骨嚟架？佢話係呀，係初型。我聽到時，心裡覺得好似踏實咗一啲，因為一般人都話有鼻骨的BB，係唐BB的機會細啲。我唔知同而家照到嘅係咪講緊同一樣嘢，但心理上好似好過啲。

聽日就去贊育登記。Dr Tay千叮萬囑見到做OSCAR只係做一次好了，唔少人走去做多次，結果都搞到自己唔抽羊水唔安樂，因為兩次test總會有出入。佢話原來贊育係冇得做oscar的，要返去HKU做intergrated test，但就係喺12﹣13week時度頸皮，之後15week再去抽血。但做intergrated test要等result的話，我就趕唔切去養和交按金，所以都係按原定計劃去林勇行度oscar算。

仲有一星期，希望一切OK！

9 week 3 day

走到了9 week, 害喜的情況稍稍有改善, 每日只有兩段時間個胃比較唔舒服, 就係上午10-12時同下午5-7時左右. 奇怪, 一個唔規律的人develop出一個咁規律的pattern. 可能係小龍份人好有規律 也十分感恩, 至今一次都沒有嘔過... 雖然有時個胃辛苦到, 嘔咗出來其實會舒服啲, 但嘔唔出我又冇佢辦法

噚日再返去見醫生, 例牌之前擔心好幾日, 到底仲見唔見到小龍呢? 佢有冇長大呢? 好感恩, 小龍已經有2.4cm, 一切都按schedule發展緊 Dr Tay仲話: 你見唔見到佢喺度郁呀? 我隱隱約約見到佢喺度fing下fing下咁囉! 佢話: 係呀, 佢就係喺度fing下fing下囉! 我問Dr Tay: 係咪冇咗條尾架嘞? 佢話: 你當佢真係猿人進化咩, 邊有尾架 . 我心諗: 咁我睇啲video話胚胎初期條尾龍骨啱啱發展, 真係好似條尾咁架嘛....

每次見完ultra sound, 我一走入廁所就會忍唔住同小龍講: 小龍, 你好叻呀! 要繼續叻呀

由於我由7 week開始成日頭痛, 耳仔又成日塞, 上星期六走去睇番以前睇開果個中醫. 佢話我腸胃好差, 咁對個胎唔好, 仲話胎脈比較弱... 好彩佢意思唔係話bb有咩危險, 只係唔係好吸收到我啲營養咁解... 佢話我而家食的份量, 連我自己都未夠, 好難畀到bb... 但Dr Tay又話頭幾個月食唔到, 一磅都唔重都好正常, bb會吸我啲reserve (which I have too much and want very much that 小龍 would dry them up!!!!), 咁都已經好夠. anyway, 又係中西醫唔同說法. 但中醫開的藥, 真係幫我紓緩咗頭痛, 頭痛少咗, 耳仔都塞少咗. 所以我諗我都會keep住睇一排.

我到今日都未話畀屋企人知. 我啲close friends話, 驚我阿媽會嬲. 我都明白, 但我更加清楚我媽咪份人, 佢一定唔會嬲, 亦會明白我點解唔同佢講住. 我真係希望過埋oscar之後, make sure everything alright至話佢知, 等佢開開心心等做婆婆, 唔使我同一齊愁.

我阿媽真係超讚的! 我噚日食完晏發癲咁打畀佢話想飲酸辣湯, 佢二話不說就話, 我啱啱整完頭髮, 而家即刻去買料整畀你, 今晚拎畀你啦! 就係咁, 我噚晚帶咗兩大樽酸辣湯返屋企! 世上只有媽媽好啊!!!!

7 week 6 day

十天過去，又是時候返去見Dr Tay。一般人兩星期見一次醫生，我要10日一次，因為Dr Tay話要穩陣啲喎。

成日都患得患失，好驚再照時搵唔番小龍，又或者小龍唔再長大... 啋啋啋，小龍好好，今日已經有1.58cm，合晒標準

我要繼續食安胎藥，同埋每五日打一針安胎針。Dr Tay話，應該打埋呢round就唔使再打。

另一個好消息係，Dr Tay幫我book到養和呀！我知道book 養和係要Dr Tay親自打去同養和的婦產科主管傾，至有機會攞到位的。Dr Tay話，一般養和肯畀位喺佢度做IVF的patient，其他的人就好難book到。我雖然係IVF同鄉會會員，但今次正好唔係IVF bingo, 所以我都預咗未必會book到。而家OK咗，我知道Dr Tay一定係為我花咗唔少時間同心力，真係好多謝佢

喺過去10日，我已經：

﹣ book埋QM（贊育），11月10日就去登記
﹣ book咗林勇行醫生11月18日(12 week 3 day) 照OSCAR
﹣ 預約咗陪月

雖然咁早約陪月好似好誇，但都係早啲好。呢個陪月係我朋友用過，大力推介。仲雖然會收訂confirm booking，但萬一有咩大吉利是 (啋啋啋)，佢會還番晒所有訂金畀我。我覺得fair enough，就咁決定。回心一想，畀阿媽知道我用咁多錢請個陪月，實嚇屎佢。我細個時阿媽都有幫人湊BB，其實佢好好經驗，手勢好好，咩BB過佢手都唔會再喊，但阿媽真係年紀大了，加上呢幾年佢又斷過手又斷過腳，雖然已經好番晒，實在唔想佢操勞。更重要係，我唔想99同佢爭住湊，咁就大鑊了！所以都係用錢解決問題啦！

我諗住等過埋OSCAR之後，就去請工人了。而家工人又係好難請，分分鐘揀啱咗，一陣又呢樣又果樣又嚟唔到、一啲又臨出發大咗肚、一啲又話批唔到簽證...為免到時頻撲啦

希望之後都一切順順利利，最緊要係小龍要快高長大，健健康康！

6 week 2 day

踏入新階段，blog也是時候upgrade 了。希望不會為各為好朋友帶來太多麻煩

今日返到Dr Tay到，姑娘見我一到埗就想去廁所，截住我話畀我照先（因為要急急地至照得清楚），照完再等見醫生。

今次終於唔使照超陰，可以照肚。好快就見到子宮內的胎long。Dr Tay一路照一路話：我地今日達標架嘞，唔一定會見到心跳。我一早同自己講咗，見唔到閃閃唔好失望，最緊要胎long keep住長大，所以一直好緊張望住Dr Tay喺度左度右度...忽然間，Dr Tay話：你見唔見到呢到有一點白色，閃下閃下？Dr Tay邊伸手過嚟同我握手，邊恭喜我，我就仲喺度呆... 原來呢點就係閃閃了

奇妙嘅旅程就係咁開始了...

前面嘅路仲有好長，我仲有好多“大佬”要打！

嚟到呢一刻，我真係好感恩。因為我自已成就這一切的是神，不是靠我付出的任何努力。誰也沒有想過在IVF要call off，硬轉IUI的時候...在我剛轉工，忙到嘔電，仲要陪父母去旅行，繼續食魚生嘅時候... 在我還在籌算返新工之後幾時至可重新加入IVF大軍，還在擔心到時狀態只會比目前更差的時候，天父就為我成就了這件奇妙的事。

“生有時，死有時”，一切萬事萬物，在神裡都有定時，只是我們看不清。我們能做和該做的，就是繼續努力。只要唔放棄，總有一天會等到！

各位戰友，加油！我愛你們！

好驚...

噚晚個肚好唔舒服，又未至於搞肚痛，但就肚痾咗好幾次，成晚冇得瞓。痛到半夜，仲要發現個胸忽然唔痛了... 我實在小信，好冇信心，好擔心佢已經離開咗我...

我今朝睇咗醫生，凈係攞到啲好輕微嘅野，我要慢慢調整番腸胃至會好啲。但佢仲喺唔喺度呢，我唔知道呀...

後記：

下晝是但約咗個聖保祿醫院嘅婦科醫生睇門診，照超陰照到胎long，但係醫生話稍為偏細咗啲啲，6.2mm，係3-4星期嘅size喎... 唉，聽完都有些少擔心，但照到個long已經好感恩。多謝各位支持我，我會繼續為BB努力的！

2nd IUI - day 17

今朝心緒不寧，因為半夜又凍醒了。我己經將空調調高了一度，至25度（真係同冇開冇乜分別），但半夜一點幾又凍醒了，搶了老公的厚被過來，好快又好熱。如此者冷冷熱熱的折騰了一晚。今朝比平日早醒了，左思右想，狠狠的祈了個禱，將一切交給神，就提前一日偷驗了。

不要恭喜我，給我一個擁抱或微笑就好了。前方還有很長的路要走...

2nd IUI - day 11

本來, 今次做treatment, 我同自己講好, 唔准成日諗啲咩癥狀, 又唔准上嚟寫, 因為希望愈大, 失望愈大...

忍咗好多日, 都好忍得. 但噚晚半夜, 忽然凍醒了... 當空調溫度冇改變過, 噚晚仲瞓得特別好時候, 竟然凍醒了, 在我嚟講係一個壞消息... 因為每次treatment失敗, 嚟m前兩晚總會出現呢個情況...

算啦, 由我唔開心一日, 下個cycle開始又一條好漢!

2nd IUI - 放精了

由IVF變了IUI，我沒有bad feeling。我深信神在帶領。

這個cycle，M來晚了兩天，感恩可以做treatment，但天父卻沒有講過是讓我做IVF啊！原來讓我做的是IUI！好似好多sisters咁講，平好多啊！

但我清楚知道，神讓我做IUI，也不等如IUI會成功啊！祂只是讓我做，我做了，結果由祂掌權。求天父讓我有一顆平安的心。

但過程中充滿感恩 ﹣

• 今天能用的旦旦，應該至少有兩粒（第一次IUI時只有一粒！）
• 老公的丁丁，進步了！

由去年第四季開始睇不育科，唔驗丁丁由自可，一驗真係弊家伙！三項重要指標冇一樣合格！但估唔到事隔一年，三項都進步了﹣

• volume: 2.7 ml (>1.5ml)
• motility (fast/moderate): 58% (>40%)
• morphology: 5% (4%)

當然，morphology係用WHO在2010年的新標準，而好多醫生都話，按實戰經驗，morphology要去到8%左右至有機會natural conception。但點都好，今次實在係好大進步，無論喺motility 定 morphology，實在係今次treatment的一枝強心針！

跟住落嚟就等結果了。希望今次平平安安，能安靜等候結果！

2nd IVF - 上半場提早完場

出師不利! 今旦旦的反應好咗, day 5已經有5粒長緊旦旦, 但係... 有一粒太大食, 大得太快, 拋離了其他4粒旦旦. day 6再照, 大旦旦已經長到1.5cm, Dr Tay認為要改做IUI, 否則繼續打針, 取出能用的旦旦可能最多得兩粒...

我起初以為自己會好擔心, 好失望, 結果冇喎. 可能我真係明白咗, 一切都在上帝手裡面, 佢點帶領, 我就點行啦. 我同老公講: 天父今次俾我有機會做treatment, 冇話過係IVF, 亦冇話過會成功, 既然而家發展係咁, 就係咁囉 Gonal-F的分量由375iu轉做150iu.

如果唔再有意外, 咁就星期一放精. 不過, just in case呢幾日啲細旦旦追到上嚟, 而啲hormones又生生性性, 咁星期六再照時可以考慮再轉番做IVF.

2nd IVF - 上半場

各位姊妹, 我歸隊了! IVF戰隊又再出動!

今次其實好感恩, 上帝俾我有機會做呢啲IVF, 因為我平時M期好準, 正常話, 應該喺Dr Tay放完假之前就已經嚟M, 咁呢個月就做唔到了... 點知今次M小姐遲咗兩日出現, 咁就啱啱好喺Dr Tay返工的第一日係DAY 3, 順利可以開針. 不過, 今次只係做上半場, 原因有啲複雜

因為我十月轉工了! 新工未必會舒服咗, 但係壓力會細啲, 飛少啲, 同埋多啲support. 返工地方好方便, 新老闆好nice, so far 都感覺良好. 今次其實係對方approach我, 傾咗足足4個月, 終於在上個月簽左約, 10月就report duty. 但亦因為咁, 我有啲擔心在呢個月做IVF, 萬一咁好彩BINGO咗, 咁一來唔知點同老闆交待, 二來會冇有薪產假 (根據勞工法例, 員工預產期距離上任日期不足40週的話, 僱主只需要放佢冇薪產假)...

不過, 當然呢些憂慮, 同成功BINGO比, 都係BINGO緊要些. 我就懷住呢啲疑慮, 一路祈禱一路等見Dr Tay.

估唔到係, 一照超陰, Dr Tay就皺晒眉, 因為我子宮後面果個纖維瘤大咗好多, 而家有4.x cm x 2.x cm. Dr Tay話, 一般喺呢個位置纖維瘤唔會影響懷孕, 但係佢亦試過有case, 喺公立醫院做咗三次IVF都係poor response, 後來有醫生轉介佢來搵Dr Tay做微創, 切左個纖維瘤. 結果呢個patient喺做完手術後三個月, 自然成孕. Dr Tay解釋話, 佢唔能夠話個瘤一定有影響, 但觀乎我上次的胚胎質素同我身體狀況都好理想, 唔成功可能同呢個瘤有關係都唔定. 佢建議我割左佢. 因為個瘤有機會同胚胎搶食, 甚至同卵巢搶食. 我決定聽佢講, 但做完呢個手術後, 要休息兩個月至可以再做IVF.

經商量後, 我決定今次做IVF的上半場, 照打針取卵. 希望胚胎生生性性, 靚靚仔仔, 咁就可以雪起. 到11月底左右, 就會做切除纖維瘤手術, 之後再休息兩個月, 過咗年, 亦等返工返定咗, 就放番雪胎 (假設有得雪的話). 咁做好處係, 始終早啲取卵, 旦旦質素理論上好啲同多啲, 咁可以有雪胎機會大啲; 而等到過咗年後至放胎, 一來可以俾自己時間適應新公司, 二來又唔使咁對唔住新老闆. 不過, 如果啲旦旦/胚胎質素 not good enough, 就唔雪得, 要即刻放番.

Dr Tay認為博得過, 咁我就搏啦! 同日驗咗血, everything ok, 星期一開始打針了.

仲有一個好消息, 我的FSH回落了, 得7.9!! 返去合格的水平啊

喺診所度遇到一個識咗好多年朋友, 上次遇到佢知道佢有咗, 但陀得唔穩, 今次返去又見到佢, 已經stable咗, 五個月了. 佢話有左之後, 時間會過得好快. 好快, bb就會出世. 見到佢真係好開心

我發現我心態開始變咗, 以前見到人大肚會心裡酸溜溜, 而家冇喎! 真心戥佢開心喎

報告近況

過去兩個星期忙到嘔白泡，真係唔講得笑！每日幾乎朝八晚十，瞓又瞓得唔好，一係攰得滯瞓唔著，一係發夢自己做緊N樣野。不過，呢啲日子終於過去，暑期的下半部應該可以輕鬆番啲。

其實我一直都冇諗過過去兩個禮拜會忙成咁樣。所以又係果句，上帝比我更清楚我的工作和生活。我之前果round唔得，而家諗番轉頭係一件好事，否則呢兩個星期都唔知點過，分分鐘又係小X，咪仲傷?! [嘻嘻，係咪好阿Q呢]

八月的旅行，去唔成澳洲，因為太貴了！平時由sydney去alice spring的內陸機return ticket只係A$200/head ，脹到A$5xx，所以都係唔去住了。結果，改咗去北海道！已經十年冇去過北海道，加上而家正值花期，可以去花田，真係未出發先興奮

姐妹們，呢排忙到冇時間寫blog，但我都有巡blog架！我會繼續為你們各位代禱，希望做treatment的一齊順利，放咗胎嘅BBs乖乖著床！

Time flies

話咁快，2011年又過了一半。

望番自己個網名"tigger"，我最初最初係好想生個老虎B，結果而家連rabbit都miss埋。寶寶龍唔知有冇我份？

Certified fail後諗過好多野，我諗我呢round放雪胎真係諗得太多，太多focus，個人好緊張，所以confirmed fail後好難接受。噚晚同老公出去發癲咁食海鮮（都唔記得自己幾耐冇食過了！）時傾偈，佢好scientific咁同我講，所有抽旦旦到人工受孕，到培育胚胎，喺lab嘅環境都係冇難度嘅事。但放番入去之後，胚胎長唔長，能唔能夠著床，就一切都係天意。

忽然間，我好似明多咗。唔係明多咗我點解fail，而係明多咗上帝要我學的功課。

生命在神手中，祂說有就會有，祂說給的就會給。

我盡咗力，就夠了。

我除咗諗住呢兩個月勁玩之外，仲諗住做番多啲運動啦，keep好自己身體。我都打算keep住睇中醫同針炙，但除這些以外，其他無謂野都係唔好做了。

既然我唔可以唔撈（因為會冇飯開），咁我就連無謂的leave都唔請，反正請咗喺屋企都係心掛掛，壓力好大，好似欠咗人咁。喺公司，做到忟都有人傾下呻下，日子仲易過啲，情緒都平靜啲。

算啦，係我嘅就會係我嘅。盡人事，聽天命。

1st FET: Certified

Case close. 想八月去旅行，但老公唔知行唔行得開...

M小姐唔該快啲嚟。你一日唔理，我個人都會好燥！

今朝決定, 七八月我要喪玩!

請祝我好運, 要book到1/7出現的短線pkg, 然後八月去澳洲滑雪與爬大石 --> 在世界中心呼喚愛 --> 到時呼喚個b嚟

我很好

多謝各位姊妹為我操心. 我諗我早兩日的反應真係激動得令你們為我擔心, 在這裡要好好的多謝你們, 也要告訴你們, 我很好, 不用掛心.

噚日朝早知道result之後, 心裡確實有點難受. 但神卻藉住呢次機會要我倆去面對一些平時"掃喺sofa底"的問題. 面對的時候, 比面對"沒有兩條線"的結果更難受. 但感謝神沒有讓我倆再選擇逃避, 縱然淚流滿面.

其實今日至真係official check bingo day, 我偷步噚日驗, 就係想有咩事都可以喺教會的崇拜中得到安慰. 上帝好明顯都知道我的鬼主意, 為我們安排了一堂很切合我們需要的訊息. 但神的意念高過我的意念, 我本身的鬼主意只是讓神安慰我"失敗"的沮喪心情, 因為在昨天之前沒想過會同老公"開拖"的. 誰知天父為我們安排的, 卻是針對我們"開拖"的問題, 一一的解決了我們的心結.

上帝在崇拜中親自同我倆講說話. 我亦係咁多年來, 第一次見到我老公在神面前因著神的教導而流淚.

傍晚我回到家中, 老公認真的同我講了兩次對唔住.

然而, 我不能不承認, 在夫婦關係中折騰了一整天之後, 晚上我終於再次面對"失敗"帶來的負面情緒. 哭了一輪, 很想去睡但又不敢去睡, 因為怕睡著了會發惡夢. 但感謝神, 我最終安然渡過了一個晚上, 睡眠質素不算很好, 但至少一個惡夢也沒有發.

今朝打返診所, 姑娘問我做乜噚日走去check, 本來想叫我今日再check. (我話, 噚日都冇, 今日唔會有架噃, 係嘛?) 但我都已經返咗工, check都冇乜用

我有話俾姑娘知, 叫我用晨尿check其實冇乜意思, 因為我向來瞓得唔好, 每晚至少起兩次身(呢幾日更加起得密), 起親身就會去weewee同埋飲水(我床頭會放一杯水, 瞓完一覺實飲晒). 佢話咁樣話, 叫我等多兩日, 如果period都唔嚟, 就再check多次啦!

多謝你地好好咁安慰我, 叫我等多幾日. 但我不會給自己high hope, 費事過兩日又開始失眠!

再次多謝你位咁體貼我! 我愛你們, 我的姊妹

1st FET : 沒有神跡

都說，結果會是這樣的。M小姐不來，卻也不是bingo。當我見到clearblue的對照線慢慢的、堅實的顯示出來時，我就知道上帝說時候還沒有到。

人在傷痛時，很容易將心裡埋藏了很久的思緒都抖出來。老公說一起祈禱，我說好，可惜他的禱文不能使我的心感動。說著說著，六年多以來的舊事都抖了出來，原來還有太多“未解決”的事。

家家有本難唸的經，我不會說我們家的問題特別嚴重。但我深知道，愛我的天父不想看到我繼續受苦，而且是不會帶來好結果的一些苦。

時間再趕也沒有辦法，可能根本在眼前人還沒變得對之前，我的努力只會徒然。

然而“還沒有變得對”的眼前人，會變“對”嗎？

曾幾何時，見過一些轉變，讓我以為有轉機。但那些只是外在的功夫；人的心還是一樣。

跟他要說的都說了。

跟祂要說的也都說了。

神啊，讓我知道如何去解決，也讓我有勇氣去解決罷。阿門。

放心，哭過了，眼淚乾了。失敗了，原來也沒什麼大不了。

1st FET : day 16 ﹣ 神跡真係會出現嗎？

聽日就係check bingo的大日子。心裡好希望聽朝會見到傳說中的兩條線，但我心裡常常有惡魔。我總覺得奇怪的事會發生，即使M不來，也沒有bingo...

唔知點解，心裡好像中了咒似的，一直往不幸裡想...

唔知今晚瞓唔瞓得著呢？

FET - day 13: 小腹痛

噚日day 13, 亦係今個cycle的day 29, 平常應該嚟M，但係冇嚟。

不過噚晚半夜開始，久唔久小腹會痛，一時左邊，一時右邊，每次痛一陣，大約30秒。以為今朝會好啲，點知今日日間全日都係咁，久唔久就有些少痛，但又唔算太密。後嚟我擔心，就早啲收工返屋企，點知七、八點時怎住係咁痛，我好驚 即刻瞓喺sofa度唔敢郁。後嚟一直到九點半過後，至慢慢好少少...

好擔心 請為我祈禱

FET - day 10: 一個特別的父親節

謝謝各位的鼓勵，噚日下晝我煲了兩套DVDs，當眼同腦都冇咁得閒時，心情就好番了。胸依然冇谷，但分泌又變番多了 當然，這一切都不與bingo與否掛勾，只係一而再反省自己份人未免過份敏感了一點... 要好好學習放鬆，媽媽路上的壓力比求子路上的壓力更大，如果不學好relax，日後的日子定會更難走...

 

感謝神給我過了一個特別的父親節。除了為天上爸爸及地上爸爸感恩之外，今年我們首次為到“想做爸爸”的老公祈禱。

過往父親節，教會都習慣叫為人父親的舉舉手，讓大家為他們鼓掌和祈禱。主席今朝一開始崇拜時就這樣做了；當時我心裡想，不知到那年我老公才有份站起來接受這樣的祝福？我必須說，上帝聽了我心裡的微小聲。牧師上台報告時，又再次叫已為人父的弟兄站立，跟住竟然問，“當中有很想當父親的弟兄，我也邀請你們站立。”我當然叫我老公起身，估佢到佢真係二話不說就站起來了（男人臉板簿嘛）！牧師緊接就帶領會眾一同祈禱：“求天父聽你們所求，賜你們屬神的產業。”

一直到下晝，同地上爸爸吃過飯後，心裡依然覺得好感恩。老公似乎成熟了，比之前更ready做爸爸。這次FET的過程中，我常問：你有冇為BBs禱告，他都說有，而不是顧左右而言他。當我心裡疲乏時，請他開聲為我傾禱時，他也爽快的答應了（以往總是拉拉扯扯，要我陪他一起開聲才肯！）這次他公開的表示自己好希望當爸爸，也是一個決心的表現。求天父鑑察他的心，賜下我們所祈求的產業。

這幾天很累，起身不久又想睡了。可能係之前幾日趕project太攰？唔好理，我要趁weekend好好做豬

喺我去做豬之前，同大家分享一首詩歌的歌辭。它多次在我傷心沮喪時叫我重新振作：

神已聽見我的呼求 祂也明白我的渴望
放下重擔，脫去一切纏累
恢復神造我的榮美形象

永在的神，創造萬物的主
祂的智慧無法測度
疲乏的，祂賜能力
軟弱的，他加力量
等候耶和華必從新得力

如鷹展翅上騰
翱翔在神的國度裡
飛躍所有艱難和風暴
單單注視祢榮耀寶座

如鷹展翅上騰
翱翔在神的國度裡
領受聖靈恩膏和大能
活出美好自由的風采