最辛苦唔係早起，係冇得飲水 
我係一個不停飲水嘅人，由前晚半夜開始就唔飲得水，真係好辛苦！中間都偷偷地用水濕過下個口
我係一個不停飲水嘅人，由前晚半夜開始就唔飲得水，真係好辛苦！中間都偷偷地用水濕過下個口
我去到養和都未夠七點，IVF centre未開，好彩我買定雜誌，就坐咗喺出便等佢開門。
到centre開, check-in完，都係0715。我好好彩，係最近馬場景、最開揚的一張床。
我一路睇雜誌，一路等老公帶埋佢嘅丁丁嚟。醫生叫佢最晏0745要到，我就叫佢最遲0730出門口（我地住得好近）... 但時間一分一秒咁過，仲未見到佢
擔心到我死，但又唔敢打去催佢，驚“打亂”佢出貨
好驚好驚，一路祈禱
終於等到0800，等唔到嘞，我就嚟要入手術室，就膽粗粗打畀佢啦，諗住同佢講，唔得就算啦，橫掂上星期雪定咗個sample，必要時用雪精啦。點知...
電話響起，佢啱啱去到counter擺低個sample畀姑娘！我開心到跳咗出去搵佢 感謝神
佢坐低冇耐，Dr
Tay就嚟話，好快到我嘞！跟住0830，姑娘就嚟接我入手術室。入到去麻醉醫生想同我種豆，拍住我左手手背一路話：嘩，咁幼嘅！Dr
Tay又加埋把口：唔止幼，仲會走添呀！佢兩個一路笑一路準備，都好快種到豆。跟住落咗一陣藥，醫生又同我一路講笑，吸咗4-5啖氧氣就瞓咗lu
我唔知我幾點返出嚟，凈係記得係Dr Tay拍醒我。我迷迷糊糊，聽到話抽到5粒卵，有兩粒係空嘅。我當時眼都未睜得開，但個腦不停喺度諗，咁大鑊，點解得5粒架？仲要有兩粒係空嘅？點算呀？得番3粒，仲要分分鐘分裂唔到，點算呀？我好驚
終於掙扎到個人醒少少，睜大眼又見唔到老公，終於要打電話搵佢。叫番佢入嚟，猛咁問到底係有幾多粒呀？佢話好似係7粒，有兩粒空嘅。我話我聽唔到有7粒喎，好驚呀
我話，你幫我搵Dr
Tay吖！佢話，我搵咗架嘞，你瞓下先啦！
我話，你幫我搵Dr
Tay吖！佢話，我搵咗架嘞，你瞓下先啦！
後嚟我至知，原來老公話我喺迷迷糊糊期間，好得人驚，好似就嚟“去”咁！自從Dr
Tay入過嚟之後，原來我見親有姑娘入嚟，就“咿咿哦哦”，仲捉住姑娘隻手，但又冇人聽到我講乜... 我咿哦咗好多次之後，佢至知原來我係問“有幾多粒
” 佢話我仲要係每一分鐘就問一次，佢頂我唔順至走咗出去坐 所以已經話咗畀姑娘知， 我要搵Dr Tay 
” 佢話我仲要係每一分鐘就問一次，佢頂我唔順至走咗出去坐 所以已經話咗畀姑娘知， 我要搵Dr Tay 後嚟Dr Tay入嚟，話我知一共係7粒，有2粒係空嘅。凈低嘅5粒，有3粒大，2粒細少少，唔肯定係咪已經成熟，要等Lab晏少少通知番我。
當然，聽到有兩粒係空嘅，都有少少失望！不過，有空嘅真係好正常嘅事！好少人係粒粒都有卵架嘛！而最重要嘅係，我total有7粒呀!!! 呢個數係諗都冇諗過架！係天父的恩典呀！如果冇7粒咁“多”，仲有兩粒空嘅就真係好大鑊了...
返到屋企食完晏，想去瞓但又掛心啲卵唔知點，都瞓得唔好。終於1630收到醫院電話，5粒入便4粒都成熟，做咗ICSI，凈低一粒佢地會培植多一日，希望佢聽日OK
希望果4粒做咗ICSI的乖乖分裂，最緊要靚！凈低一粒都要乖乖長大呀！
後記:
今朝一早養和的lab就已經打咗嚟, 通知咗我4粒做咗ICSI的全部都乖乖受了精, 但分裂情況要聽日至知, 不過80-90%受咗精都會分裂;
至於最細果粒, 過咗一日都冇變大啊, 可能冇機會了.
有4粒即係有4個機會, 我已經好滿足了!
聽日0800返養和check-in, 0900就放胎了
No comments:
Post a Comment