又過咗幾日,有咩感覺呢?除咗噚日個胃“陣痛”咗一日之外,其他野都係咁上下。
我發現我麻麻地受得塞藥,因為正常塞藥會有啲藥粉好似豆腐渣咁隨分泌流番出嚟,但原來呢,頭幾日我啲藥渣都唔係好出得番嚟,結果搞到陰道好乾,乾到好唔舒服。星期日下午好辛苦,返房休息,不住禱告。終於一大堆豆腐渣流番出嚟,個人即刻舒服晒!
呢幾日唯一繼續有嘅係胸痛同好似水咁嘅分泌,超級多!呢世女都未試過咁多,成日要換護塾,好似換M巾咁!
我上星期四至打完最後一針安胎針,要下星期一至驗得。但到時人在北京,仲諗緊帶唔帶棒棒去驗(但一定帶M巾
)?定係留番星期三返香港,如果M小姐仲未找上門至驗呢?
返住工我都冇乜諗BINGO嘅事,其實都係好事,唔使咁大壓力。希望之後都係咁!
後記:
我諗我真係冇乜諗bingo事... 事關今朝... 我仲走去追巴士
我真係唔記得咗自己等緊bingo
好彩只係跑咗幾步, 亦唔係跑得快... 一上車, 我就祈禱求天父保守, 亦同BBs講, 請佢地原諒我, 唔好怪我呀
希望冇事啦
No comments:
Post a Comment