我將我嘅情況講晒畀醫師聽，包括流啡期間流過啲乜嘢出嚟，其實當中除咗藥渣，仲有一堆好似薄膜的物體，好薄好薄，一層層咁，染咗紅色。果堆嘢嘅size有一隻細雞蛋的橫切面咁大。醫師話呢個係膜衣。我未見過，亦未聽過，但我估係痴住內膜的一層衣吧？！我於是問醫師，我算係小產定係失敗呢？佢話：係小產都唔出奇。
佢話我脈好弱，問我呢排瞓得好唔好。我話OK，但一到臨天光就會熱醒，成頭濕晒，但係之前都唔係咁，就算喺北京頭幾日都唔係咁，晚晚都瞓得好舒服。後嚟有一晚覺得好凍（但我間房個冷氣冇郁過）之後，最後兩晚就係咁會熱醒，返到香港又係咁。佢話，咁樣唔係幾好，你身子而家好弱（因為人地更年期至會有咁嘅情況出現；我年幾前當period變到得25-26-day
時，都試過係咁，我知好大鑊），要好好調理。我問佢可以點呢？佢話要keep
住針炙食中藥，早啲瞓，多做運動。我問佢飲雞汁（即係就咁燉雞，飲雞流出來的汁）得唔得，佢話得，但唔使晚晚飲，隔晚飲就可以。
我噚晚見完醫師決定今日閉關唔返工，但中間有一個training我唔想再改，照出去上堂，諗住都係個零鐘。點知個人坐上的士一陣，就開始頭暈。我諗我真係好唔掂。上完堂即刻去買多隻竹絲雞，我諗住呢幾日飲密啲先，因為星期二又要出trip,
又有幾日會畀人揸乾揸凈！
BTW，我發現我用燉盅燉完，啲雞汁飲完之後，就咁KO隻雞好似好嘥，於是我加番半盅水再燉咗四個鐘，竟然仲有兩碗美味的燉雞湯喎！大家日後需要坐月時，可以考慮咁做，唔使嘥咗隻雞！
不過，咁飲雞汁同雞湯法，我諗身體未調理返好先變咗隻豬。睇下過埋下個星期，等身體恢復得好少少，就要開始做番啲簡單運動至得。
我要加油，一定要盡快recover，否則我就接唔到雪寶寶了
No comments:
Post a Comment