IVF - day 28: 放胎後第14日

話咁快嚟到day 28, 放胎已經第14日了. 如果唔成功, M小姐聽日就會嚟探我 當然, 我主觀願望佢唔好嚟... 不過, 過去一段時間失望得太多, 我唔敢有high hope.

不過今次的確同往時有啲唔同, 例如nipple好硬好凸好sensitive, 分泌好多好多, 早咗眼瞓個人又易攰. 小腹頭幾日好脹, 食完lunch好快頂住, 但而家又變番ok. 之但係, 今日又開始又些少頭痛... 呢個係每次嚟M前的先兆呢...

今朝好感動. 話說我今晚就要上機, 今朝要帶埋行李返工. 我噚晚半夜醒咗, 忽然醒起要搬行李上落的士, 咁唔掂喎! 平時老公得閒最多陪我去截車, 咁我落車時點算呀? 今朝一起身就問老公, 你可唔可以送我返工, 幫我落埋件行李呢? 佢一口應承 心裡真係sweet到爆

一陣去機場, 我地幾個同事call咗的士, 希望個司機醒目, 幫我地搬行李啦 (話晒由灣仔去機場都係單大生意) 去到北京唔使擔心, 大陸啲司機都好識做的

我決定唔帶棒棒去啦, 返嚟仲有得驗(即係M小姐仲未嚟)就當賺咗啦!

我會消失6日, 到下星期三至再現身嘞 (喺大陸上唔到yahoo blog)的, 希望返嚟有好消息啦! 各位有好消息, 都記得通知我呀!