IVF - day 20 放胎後第6日：回復忙碌的生活

放咗胎話咁快就6日了。如我所料，一返工就忙到嘔。星期一有一段時間壓力超大，我癲咗咁喊咗聲“我唔想再做呢啲咁嘅野嘞” 叫咗出嚟之後，自己都嚇親。心諗，大鑊！BBs睇怕會頂我唔順，驚呢個阿媽咁容易激動，都係走為上著

我即刻深呼吸，等自己冷靜番。

之前的symptoms喺day 18-19一直繼續，係胸痛少咗。但今朝(day 20)一起身，“咿，個胸唔痛嘅? 唔通... BBs 走咗? " 的確閃過這個念頭，心裡有點擔心。仲促住老公：“你快啲同BBs講野啦，你唔同佢地講野，佢地以為你唔鍚佢，會走架！”

當然，我老公睬我都有病

我都係如常返工，如常做到冇停手。話說做到七點鬆啲，個胃又開始頂住。明明晏晝都只係食咗碗南記，冇理由會而家嚟頂住 忽然醒起，呢幾日大概呢個時間都係會類似嘅情況。可能都係啲藥的反應吧！

仲有，呢三日仲有一樣野，好多好多分泌，唔知係咪啲塞藥呢（有時會見到啲藥粉狀的）

不過今日起，個肚又脹番，好谷好谷，好似好多氣，又好似好多水。好彩我去wee-wee好正常，否則都會擔心自己OHSS，因為個肚大咗唔止一吋呀！

我雖然都好想知結果，但我呢幾日不停prepare for the worst。我知我從來唔係一個good luck的人，很大機會唔會1 take bingo。但我能做嘅我都盡量做了，希望BBs會留低，但留與不留，始終係佢地嘅決定。我希望到時宣判時都一樣看得開。